نۇر-سۇلتاندا اۆتوبۋستا جول اقىسىن تولەمەگەن جولاۋشى ۇرى بولىپ شىقتى

نۇر-سۇلتان. قازاقپارات - كولىكتىك باقىلاۋ دەپارتامەنتىنىڭ قىزمەتكەرلەرى تەلەفون ۇرلاعان جولاۋشىنى انىقتادى، دەپ حابارلايدى قازاقپارات.

بۇل جايىندا City Transportation Systems كومپانياسى مالىمەت تاراتتى. كەزەكتى تەكسەرۋ بارىسىندا جولاۋشى جول اقىسىن قالاي تولەگەنىن تۇسىندىرە المادى. SMS حابارلامانى تەكسەرگەن كەزدە بانك اۋدارىمدارى بويىنشا جاۋاپ بەرىلمەگەن قوڭىراۋلار مەن حابارلامالار انىقتالدى. قىزمەتكەرلەر ءمان-جايدى انىقتاۋ ءۇشىن جولاۋشىدان ولارمەن بىرگە پوليتسيا دەپارتامەنتىنە بارۋدى سۇرايدى. پوليتسيا بۇل ازاماتتىڭ بوگدە ادامنىڭ مۇلكىن ۇرلاۋعا قاتىسى بار ەكەنىن انىقتاپ، قاماۋعا الدى. سونداي-اق ول جول اقىسىن تولەمەگەنى ءۇشىن اكىمشىلىك جاۋاپكەرشىلىككە تارتىلدى.

«قۇرمەتتى جولاۋشىلار، ءارقاشان اباي بولىڭىزدار جانە باعالى زاتتارىڭىزدى اۆتوبۋستا قاراۋسىز قالدىرماڭىزدار» دەپ ەسكەرتەدى كومپانيا.