ۇكىمەت ەلىمىزگە قانشا ۆەتەرينارلىق پۋنكت قاجەت ەكەنىن تالدايدى

None
None
نۇر- سۇلتان. قازاقپارات - ق ر پرەمەر-ءمينيسترى اسقار مامين «اۋىل - ەل بەسىگى» جوباسى مەن وڭىرلىك ستاندارتتار جۇيەسىنە تيپتىك ۆەتەريناريالىق پۋنكتتەر قۇرىلىسى ينديكاتورىن ەنگىزۋ تۋرالى دەپۋتات ساۋالىنا جاۋاپ بەردى، دەپ حابارلايدى قازاقپارات.

«بۇگىنگى تاڭدا وڭىرلەردى تيپتىك ۆەتەريناريالىق پۋنكتتەرمەن قامتاماسىز ەتۋ ءۇشىن اۋىل شارۋاشىلىعى مينيسترىگى مەن جەرگىلىكتى اتقارۋشى ورگاندار قۇرعان ۆەتەريناريالىق پۋنكتتەرگە، ستانتسيالارعا تالاپتار ازىرلەنۋدە. ولاردىڭ جوبالارى ماقۇلداۋ ساتىسىندا تۇر. قورىتىندىلارى بويىنشا ۆەتەريناريالىق پۋنكتتەردىڭ قاجەتتى سانىنا تالداۋ جۇرگىزىلەدى، قارجىلاندىرۋ ماسەلەلەرىن شەشۋ جانە «اۋىل-ەل بەسىگى» جوباسى اياسىندا ولاردى سالۋ مۇمكىندىگىمەن 2025-جىلعا دەيىنگى وڭىرلەردى دامىتۋ مەملەكەتتىك باعدارلاماسىنا ءتيىستى وزگەرىستەر ەنگىزۋ كوزدەلگەن»، - دەپ جاۋاپ بەردى اسقار مامين دەپۋتاتتىق ساۋالعا.

ونىڭ ايتۋىنشا، جەرگىلىكتى اتقارۋشى ورگاندار اۋدانداردا 203 ۆەتەريناريالىق ستانتسيا، اۋىلدىق وكرۋگتەردە - 2319 ۆەتەريناريالىق پۋنكت قۇردى.

«جاو دەرەكتەرىنە سايكەس، اۋداندارداعى ۆەتەرينارلىق دارىگەرلەردىڭ 3122 شتاتى بار، ونىڭ ىشىندە 1055 ۆەتەرينارلىق مامان (%34,7) جانە 2067 قوسالقى مامان (%65,3) بار.

اۋىلدىق وكرۋگتەردىڭ ۆەتەرينارلىق پۋنكتتەرىندە 10485 شتات بار، ونىڭ 9459 ى ۆەتەرينارلىق ماماندار (%91)»، - دەپ تۇيىندەدى پرەمەر-مينيستر.

سوڭعى جاڭالىقتار