تۇركىستان وبلىسى بادام وزەنىندە بالىقتار قىرىلىپ جاتىر

None
None
تۇركىستان. قازاقپارات - 2021-جىلدىڭ 8- ناۋرىزىندا «instagram» الەۋمەتتىك جەلىسىندە gappar_nomad/اڭشىلىق بالىق اۋلاۋ پاراعىندا) بادام وزەنىندە مارينكا بالىعىنىڭ ولگەنى تۋرالى اقپارات جاريالاندى، دەپ حابارلايى قازاقپارات ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ رەسمي Telegram كانالىنا سىلتەمە جاساپ.

ونداعى دەرەكتەرگە قاراعاندا، سول كۇنى ارال-سىرداريا وبلىسارالىق بالىق شارۋاشىلىعى باسسەيندىك ينسپەكتسياسىنىڭ تۇركىستان وبلىسى بويىنشا بالىق ينسپەكتسياسى ءبولىمى (بۇدان ءارى - ينسپەكتسيا) شىمكەنت قالاسىنىڭ ەكولوگيا دەپارتامەنتى، تابيعاتتى قورعاۋ پوليتسياسى جانە ۆەتەرينارلىق قىزمەت وكىلدەرىمەن بىرلەسىپ، وقيعا ورنىنا باردى.

ەكولوگيا، سانيتارلىق-ەپيدەميولوگيالىق باقىلاۋ دەپارتامەنتىنىڭ جانە ۆەتەرينارلىق قىزمەت وكىلدەرى زەرتحانالىق زەرتتەۋلەر جۇرگىزۋ ءۇشىن سۋ مەن بالىقتان سىناما الدى.

ايتا كەتۋ كەرەك، وزەننىڭ كەيبىر ۋچاسكەلەرىندە سۋدىڭ ءتۇسى قوعىرقاي تارتقان.

«بالىق شارۋاشىلىعى ع و و» ج ش س ارال فيليالىنىڭ الدىن الا قورىتىندىسىنا سايكەس، جاڭبىر جانە تاسقىن سۋ سالدارىنان سۋدىڭ ساپاسى مەن تەمپەراتۋراسى وزگەرگەن. بۇل جاعداي ءوز كەزەگىندە بالىقتاردىڭ تىرشىلىك ارەكەتىنە اسەر ەتەدى، ياعني بالىقتار وسى سەبەپتەن قىرىلۋى مۇمكىن. بالىقتاردىڭ بالىقتاردىڭ قىرىلۋىنىڭ ناقتى سەبەبى زەرتحانالىق زەرتتەۋلەردىڭ ناتيجەلەرىن العاننان كەيىن بەلگىلى بولادى.

اعىمداعى جىلعى 8- ناۋرىز كۇنى ساعات 20:00 دەگى جاعداي بويىنشا شىمكەنت قالاسى ءال-فارابي اۋدانىنىڭ سەمەنت زاۋىتى اۋدانىندا ينسپەكسيا قىزمەتكەرلەرى 20 ك گ مارينكا بالىعىن جينادى. ءولى بالىقتاردى جيناۋ جالعاسۋدا.


سوڭعى جاڭالىقتار