قىتاي بيلىگى الداعى بەس جىلدا زەينەتكە شىعۋ جاسىن ۇزارتۋدى جوسپارلاپ وتىر

بۇل تۋرالى جۇما كۇنى اشىلعان 13-شاقىرىلىمنىڭ حالىق وكىلدەرى جالپىقىتايلىق جيىنىنىڭ 4-سەسسياسى دەپۋتاتتارىنىڭ قاراۋىندا جاتقان ۇكىمەتتىڭ بايانداماسىندا ايتىلعان، دەپ حابارلايدى قازاقپاراتتىڭ مەنشىكتى ءتىلشىسى.

«حالىقتىڭ قارتايۋىنا نازار اۋدارتاتىن مەملەكەتتىك ستراتەگيانى ىسكە اسىرۋ، قارت ادامدار مەن جاس بالالارعا باسىمدىق بەرە وتىرىپ، دەموگرافيالىق دامۋ قىزمەتتەرىنىڭ جۇيەسىن جەتىلدىرۋ، بالا تۋۋدىڭ قالىپتى دەڭگەيىنە قول جەتكىزۋگە جاردەمدەسۋ، زاڭدا بەلگىلەنگەن زەينەتاقى جاسىن بىرتىندەپ ارتتىرۋ»، - دەلىنگەن باياندامادا.

قۇرلىقتىق قىتاي تۇرعىندارىنىڭ سانى 2019 -جىلدىڭ سوڭىندا 1,4 ميلليارد ادامنان اسقانىمەن، ۇلتتىق ستاتيستيكا بيۋروسىنىڭ مالىمەتىنشە، ق ح ر- داعى بالا تۋۋ كوەففيسيەنتى تومەنگى شەكتىك ماننەن 1.5 كە تومەندەپ كەتكەن. قازىرگى ۋاقىتتا قىتايدا ورتاشا زەينەتكە شىعۋ جاسى 55-تەن تومەن.

ق ح ر- نىڭ «مي ورتالىقتارىنىڭ» بولجامىنا سايكەس، 65 جاستان اسقان قارت ادامدار 2035 -جىلعا قاراي قىتاي حالقىنىڭ جالپى سانىنىڭ %21 ىن جانە 2046 -جىلعا قاراي %25 ىن قۇرايدى. الداعى 30 جىلدا قىتايدىڭ ەگدە جاستاعى حالقى 193 ميلليون ادامعا ارتادى، ال ەڭبەككە قابىلەتتى حالىق، ەلدەگى تۋۋ دەڭگەيىنىڭ تومەندىگىنە بايلانىستى، 176 ميلليون ادامعا ازايادى. بۇل ءۇردىس زەينەتاقى جۇيەسىنە كۇش تۇسىرەدى جانە ەگەر قازىرگى زەينەتاقى جاسىن وزگەرتپەسە، زەينەتاقى قورىنىڭ داعدارىسىنا الىپ كەلۋى مۇمكىن.

ق ح ر قوعامدىق قاۋىپسىزدىك مينيسترلىگىنىڭ بيىل اقپاندا جاريالاعان مالىمەتتەرىنە سايكەس، 2020 -جىلى قىتايداعى بالا تۋۋ دەڭگەيى بىلتىرعى جىلمەن سالىستىرعاندا %15 عا تومەندەگەن. ستاتيستيكا بيۋروسىنىڭ دەرەگىنشە، بەسىنشى جىل قاتارىنان تۋۋ دەڭگەيى تومەندەپ جاتىر.

ەسكە سالا كەتسەك، قىتايدا 1978 -جىلدان بەرى جۇمىس ىستەپ كەلە جاتقان «ءبىر وتباسى- ءبىر بالا» دەگەن اتپەن تانىمال بالا تۋۋدى شەكتەيتىن ساياسات 2016 -جىلى توقتاتىلدى.

اۆتور: بالنۇر قوجاگەلدى