ساۋىر تاۋىنداعى شوپاندار «ۇلتتىق ات ويىندارىنان» شەبەرلىك كۋرسىنان ءوتتى - شەتەلدەگى قازاق ءتىلدى ب ا ق- قا شولۋ

None
None
نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

كورەيادا وقىپ جاتقان بولاشاق اۆياتسيا ينجەنەرى جاندوللا ماندات ۇلىنىڭ ارمانى - KAZNEWS


KAZNEWS اقپاراتتىق پورتالىنا موڭعوليادا تۇراتىن قانداسىمىز، بولاشاق اۆياتسيا ينجەنەرى جاندوللا ماندات ۇلى ءوز ارماندارىنىڭ قالاي ورىندالعانىن جانە كورەيادا گرانتپەن تەگىن ءبىلىم الۋ جولدارى تۋرالى ايتىپ بەرگەن.

اتالعان ب ا ق- تىڭ جازۋىنشا، جاندوللا ماندات ۇلى موڭعوليانىڭ بايان- ولگەي ايماعىنىڭ تۋماسى. ول قازىرگى كۇنى كورەيا رەسپۋبليكاسىنىڭ پۋسان ۇلتتىق ۋنيۆەرسيتەتىندە اۆياتسيا ينجەنەرى ماماندىعى بويىنشا ءبىلىم الىپ جاتىر.

«بولاشاق ستۋدەنتتەر ماماندىق تاڭداۋ جۇمىسىنا وتە ءمان بەرگەن دۇرىس دەپ ويلايمىن. ءوزىڭىزدىڭ نە قالاپ تۇرعانىڭىزدى، جانە قايدا، قانداي ۋنيۆەرسيتەتتە وقۋعا بولاتىنىن ەرتەرەك زەرتتەۋ قاجەت. سونداي-اق، ارمانىڭىزداعى ۋنيۆەرسيتەتتەردىڭ قوياتىن تالاپتارىنا بۇگىننەن باستاپ دايىندالۋ ماڭىزدى بولماق. مەن بالا كەزىمدە ۇشاققا وتىرۋعا اۋەس بولدىم. ۇلكەيگەندە ۇشقىش بولامىن دەپ ارماندايتىنمىن. سول ارماندارىمدى ورىنداۋ ءۇشىن وقۋشى كەزىمنەن باستاپ ۇشقىشتار مەكتەبىنە قالاي قابىلدانۋعا بولاتىنىن ۇستازداردان سۇراپ، ينتەرنەتتەن كوپتەگەن اقپاراتتار قارايتىنمىن. وسىلاي جۇرگەن كۇندەردىڭ بىرىندە كورەيانىڭ پۋسان ۇلتتىق ۋنيۆەرسيتەتىنەن ارنايى ۇستازدار ۇلانباتىر قالاسىنا كەلىپ ۋنيۆەرسيتەتكە قابىلداۋ سىناعىن ۇيىمداستىراتىنىن ەستىپ قاتتى قۋاندىم. سودان وزىمە ماقسات قويىپ اتالمىش ۋنيۆەرسيتەتتىڭ سىنىنا دايىندالدىم»، - دەيدى جاندوللا ماندات ۇلى.


سونداي-اق، جاندوللا پۋسان ۇلتتىق ۋنيۆەرسيتەتىنىڭ بولاشاق تۇلەكتەرىنە قانداي تالاپتار قويىپ، وقۋعا قابىلدايتىندىعىن دا ايتىپ بەرگەن.

«پۋسان ۇلتتىق ۋنيۆەرسيتەتىنە ءتۇسۋدىڭ ءارتۇرلى شارتتارى بار. ماتەماتيكا، فيزيكا جانە اعىلشىن ءتىلى پانىنەن ۇلتتىق ءبىرىڭعاي تەستىلەۋدەن 680 نەن جوعارى ۇپاي جيناۋ كەرەك. حالىقارالىق ستۋدەنتتەرگە IELTS كەرەك. مۇندا 6 بالل بولۋى شارت. تالاپكەرگە ماتەماتيكادان سىناق تاپسىرۋ، اعىلشىن تىلىندە ەسسە جازۋ مىندەتتەلەدى. سونداي-اق ۋنيۆەرسيتەتتىڭ سۇحباتتاسۋى تاعى بار. مەن بۇل سىناقتاردىڭ بارلىعىن ءساتتى تاپسىردىم.

وسىلايشا، بۇگىنگى كۇنى ارمانداعان ماماندىعىم بويىنشا ستيپەنديامەن وقىپ جاتىرمىن. پۋسان قالاسى كورەيا رەسپۋبليكاسىنىڭ ەكىنشى مەگاپوليسى. ءبىزدىڭ وقۋ ورنىمىزدىڭ ۇلكەن كامپۋسى بار. ستۋدەنتتەرگە قاجەتتى نارسەلەردىڭ ءبارى دايىن. ۋنيۆەرسيتەت عيماراتى مەن جاتاقحاناسى دا زاماناۋي تالاپتارعا ساي، سوڭعى ۇلگىدەگى قولايلى تەحنولوگيالارمەن جابدىقتالعان. بۇل ستۋدەنتتەرگە ءبىلىم الۋ ءۇشىن ۇلكەن شابىت سىيلايدى»، - دەيدى جاندوللا ماندات ۇلى.

راسۋل كۋشەربايەۆ «حالىقتىڭ سۇيكتى دەپۋتاتى» مارتەبەسىنە يە بولدى - «ءوزا» اقپاراتتىق اگەنتتىگى


وزبەكستان رەسپۋبليكاسى «وليي ماجليس» زاڭ شىعارۋشى پالاتاسىنىڭ دەپۋتاتى راسۋل كۋشەربايەۆ «حالىقتىڭ سۇيىكتى دەپۋتاتى» مارتەبەسىنە يە بولدى، دەپ جازادى وزبەكستاننىڭ «ءوزا» مەملەكەتتىك اقپاراتتىق اگەنتتىگى.

«وزبەكستاننىڭ «ولي ماجليس» زاڭ شىعارۋ پالاتاسى دەپۋتاتتاردى رۋحاني جانە ماتەريالدىق ىنتالاندىرۋ جونىندەگى كوميسسيانىڭ ۇسىنىستارىنا سايكەس مەملەكەت باسشىسىنىڭ باستاماسىمەن زاڭنامانى جەتىلدىرۋدە، سايلاۋشىلارمەن جۇمىس جاساۋدا جانە زاڭ شىعارۋ پالاتاسىنىڭ قىزمەتىن بۇقارالىق اقپارات قۇرالدارىندا جاريالاۋدا بەلسەندىلىك تانىتقان ءبىر توپ دەپۋتاتقا «حالىقتىڭ سۇيكتى دەپۋتاتى» مارتەبەسىن بەرگەن. ولاردىڭ قاتارىندا دەپۋتات راسۋل كۋشەربايەۆ تا بار.

وسى مارتەبەگە راسۋل قىدىرالى ۇلىنىڭ يە بولۋى قوعامداعى وزەكتى پروبلەمالاردى كوتەرۋدەگى بەلسەندىلىگى، حالىقتى ۇزاق جىلداردان بەرى مەزى ەتكەن قيىن ماسەلەلەردى وڭتايلى شەشىم تابۋىنا باتىل قادام جاساعان ارەكەتى سەبەپ بولسا كەرەك، ويتكەنى حالىق اۋزىندا بۇل ازاماتتىڭ جۇمىستارى وتە جوعارى باعالانىپ ءجۇر»، - دەپ جازادى «ءوزا» اقپارات اگەنتتىگى.

اتالعان ب ا ق-تىڭ دەرەگىنشە، راسۋل كۋشەربايەۆ وسىلاي ىستەگەن جۇمىستارىنىڭ ءارقاشان حالىق ىقىلاسىنا بولەنگەندىگىنىڭ ارقاسىندا وزبەكستان ۇلتتىق اقپاراتتىق اگەنتتىگى - ءوزا جىل سايىن ۇيىمداستىرىپ كەلە جاتقان تاۋەلسىز ساۋالناما ناتيجەسىندە، 2020 -جىل وزبەكستاندا «جىل ادامى» اتانسا، 2019 -جىلدا «جىل دەپۋتاتى» اتانعان ەكەن. ايتا كەتەيىك، وزبەكستان رەسپۋبليكاسى «وليي ماجليس» زاڭ شىعارۋشى پالاتاسىنىڭ دەپۋتاتى، قانداسىمىز راسۋل قىدىرالى ۇلى كۋشەربايەۆ تاشكەنت وبلىسىنىڭ «قوساعاش» اۋىلىندا تۋىپ- وسكەن.

ساۋىر تاۋىنداعى شوپاندار «ۇلتتىق ات ويىندارىنان» شەبەرلىك كۋرسىنان ءوتتى - «اعاجاي- التاي اقپارات» سايتى


قىتايدىڭ التاي ايماعىنىڭ جەمەنەي اۋدانىنداعى اۋىل تۇرعىندارى «ۇلتتىق ات ويىندارىنىڭ» كاسىپتىك- تەحنيكالىق بىلىمدەرىن ۇيرەنۋگە ارنالعان، ءبىر اپتالىق شەبەرلىك كۋرسىنان ءوتتى، دەپ جازادى kazakh.altxw.com سايتى.

اتالعان ب ا ق-تىڭ جازۋىنشا، قازاق حالقى مەكەن ەتكەن التاي جەرىندە الامان ات بايگەسى، قىزقۋار، كوكپار، تەڭگە ءىلۋ سەكىلدى ۇلتتىق ات ويىندارى تاريحتان بەرى جالعاسىپ كەلە جاتقان ءداستۇرلى ۇلتتىق ونەر ەسەپتەلەدى. وسى ۇلتتىق ونەر قازىرگى كۇنى جەرگىلىكتى جەردىڭ ءتۇرلى مەرەكەلىك ءىس-شارالارىندا كوپشىلىككە كورسەتىلىپ، اسىرەسە سىرتتان كەلەتىن تۋريستەردىڭ قىزىعا تاماشالايتىن دۇنيەسىنە اينالعان. سوندىقتان جەرگىلىكتى بيلىكتىڭ قولداۋىمەن وسى ۇلتتىق ونەردى كورەرمەندەرگە ءتىپتى دە تارتىمدى، قىزىقتى ەتىپ كورسەتۋ ماقساتىندا جەمەنەي اۋدانىنىڭ ساۋىر تاۋىن مەكەن ەتكەن شوپاندارعا كاسىپتىك- تەحنيكالىق دەڭگەيىن كوتەرۋ ماقساتىندا ءبىر اپتالىق ات سپورتى ونەرىنىڭ شەبەرلىك ساباعى وتكىزىلگەن.


«وسى شەبەرلىك ساب ا ققا قاتىسقان جەمەنەي اۋدانى توستى اۋىلىنىڭ تۇرعىنى ەرقان داۋلەتقان ۇلىنا 4 جاسىنان باستاپ اكەسى تايعا ءمىنۋدى ۇيرەتكەن. جىل سايىن ءوتىپ جاتاتىن اۋدان، اۋىلداعى ءىس- شارالارداعى ۇلتتىق ات ويىندارىنا ول ونەمى قاتىسىپ كەلەدى. ەرقان سول جارىستاردان تالاي رەت جۇلدە دە قانجىعالاعان. ول تىلشىلەرگە، قارشادايىنان ات قۇلاعىندا ويناپ وسسەدە، وسى جولعى شەبەرلىك ساباعىنان كوپتەگەن تەحنيكالىق بىلىمدەر ۇيرەنگەنىن، الداعى ۋاقىتتا وسى ۇيرەنگەن ءادىس- تاسىلدەرىن پايدالانىپ تۋريستەرگە ۇلتتىق ويىنداردى بۇرىنعىدان دا قىزىقتى، دۋماندى ەتىپ شەبەر كورسەتۋگە قۇلشىناتىن ايتقان»، - دەپ جازادى «اعاجاي- التاي اقپارات» سايتى.

قازاقستان ارمياسى تۇرىك اسكەري بروندى كولىكتەرىن سىناقتان وتكىزدى - TRT


قازاقستاندىق اسكەريلەر تۇرىكتىڭ ARMA-8x8 بروندالعان اۆتوكولىگىن جانە الىستان باسقارىلاتىن NEFER مودۋلىن سىناقتان وتكىزدى، دەپ حابارلايدى تۇركيا راديو تەلەۆيزيا پورتالى.

«قازاقستاننىڭ قاراعاندى وبلىسىنداعى «سپاسسك» پوليگونىنداسىناقتار كۇندىز جانە تۇنگى ۋاقىتتاردا وتكىزىلدى. NEFER جاۋىنگەرلىك مودۋلى (كواكسيالدى 7,62 م م پۋلەمەتى بار 30 م م 2ا42 اۆتوماتتى زەڭبىرەگى) قازاقستان ارمياسىندا پايدالانۋ ءۇشىن ارنايى جاسالعان. ول تۇندە كورۋ جۇيەسى مەن جىلۋ بەينەلەۋ كامەراسىن پايدالانىپ تۇسىرۋگە مۇمكىندىك بەرەدى. بۇدان بۇرىنعى حابارلامادا ARMA-8x8 بروندالعان كولىگىنىڭ ناتو ستاندارتتارىنا يە ەكەنى جانە OTOKAR كومپانياسى تاراپىنان اسكەري وپەراتسيالاردا قولدانۋ ماقساتىمەن قازاقستانعا تەگىن تاپسىرىلعانى حابارلانعان بولاتىن»، - دەپ جازادى TRT.

اۆتور: باقىتجول كاكەش

سوڭعى جاڭالىقتار