جۇكتى كەلىنشەكتى جاتقىزۋدان باس تارتقان اۋرۋحاناعا تەكسەرۋ جۇرگىزىلدى

قور باسپا ءسوز قىزمەتىنىڭ مالىمەتىنشە، وكسانا ەرماحانوۆاعا قاتىستى جايتقا وراي №2 قالالىق كوبەيىندى اۋرۋحاناعا جوسپاردان تىس مونيتورينگ جۇرگىزىلگەن. بۇل تەكسەرۋگە اتالعان كەلىنشەكتىڭ Facebook الەۋمەتتىك جەلىسىندە جاريالاعان جازباسى سەبەپ بولىپ وتىر.

«مونيتورينگ ناتيجەسىندە مەديتسينالىق اقپاراتتىق جۇيە جازبالارىنىڭ مالىمەتتەرىنە سايكەس، كەزەكشى گينەكولوگ پاتسيەنتتى قاراۋ بارىسىندا كورسەتىلىمدەردىڭ بولماۋىنا بايلانىستى ونى شۇعىل اۋرۋحاناعا جاتقىزۋدان باس تارتقانى انىقتالدى. دەگەنمەن، پاتسيەنت مەديتسينالىق كومەككە جۇگىنگەن كەزدە ساقتاندىرۋ مارتەبەسىنە قاراماستان شۇعىل اۋرۋحاناعا جاتقىزۋعا نەگىز بولاتىنداي جاي- كۇيىنە شاعىمدانعان» دەپ اتاپ وتەدى قوردان.

وسىعان وراي اتالعان شاعىمنىڭ نەگىزى بار دەپ سانالادى. جانە دە قور №2 قالالىق كوپبەيىندى اۋرۋحاناعا قاتىستى ەكونوميكالىق اسەر ەتۋ شارالارىن قولدانادى.

«قور مەديتسينالىق كومەكتىڭ كەپىلدەندىرىلگەن تەگىن كولەمى جانە مىندەتتى الەۋمەتتىك مەديتسينالىق ساقتاندىرۋ اياسىندا پاتسيەنتتەردىڭ مەديتسينالىق كومەك الۋ قۇقىعىن بارلىق ۋاقىتتا قورعايدى. وسىعان وراي مەديتسينالىق قىزمەتتى ساپاسىز كورسەتۋ نەمەسە ودان باس تارتۋ تۋرالى فاكتىلەردى 1406 بايلانىس ورتالىعىنا نەمەسە Qoldau 24/7 موبيلدى قوسىمشاسىنا حابارلاۋعا شاقىرامىز. ولار بويىنشا تەكسەرۋ جۇرگىزىلەدى جانە بۇزۋشىلىقتار انىقتالعان جاعدايدا ەكونوميكالىق اسەر ەتۋ ءىس- شارالارى قابىلدانادى»، - دەپ اتاپ وتەدى قوردان.

اۆتور: مارلان جيەمباي