بالالار مەكتەپتە ماسكامەن وتىرۋى ءتيىس پە - جانداربەك بەكشيننىڭ جاۋابى
«ق ر باس مەملەكەتتىك سانيتارلىق دارىگەرىنىڭ قاۋلىسىنا سايكەس، 5 جاسقا دەيىنگى بالالار عانا ماسكاسىز جۇرە الادى. ال 5 جاستان اسقان بالالار ماسكا تاعۋى ءتيىس. بۇل مەكتەپتىڭ باسقا دا قىزمەتكەرلەرى مەن ۇستازدارىنا قاتىستى»، - دەدى باس سانيتارلىق دارىگەر.
ونىڭ ايتۋىنشا، قازىرگى كوروناۆيرۋس تولقىنى وتكەندەگىمەن سالىستىرعاندا بالالارعا جيىرەك جۇعىپ جاتىر.
«مىسالى بىلتىر پاندەميا باستالعالى 281 وقۋشى اۋىرعان. ال بيىل جىل باسىنان بەرى 2 ايدا 500 وقۋشى اۋىرعان. بۇل مەكتەپكە دەيىنگى ءبىلىم بەرۋ مەكەمەلەرىنە دە قاتىستى. ەگەر بىلتىر ساۋىردەن جەلتوقسانعا دەيىن 28 بالا جۇقتىرسا، بيىل 38 بالا جۇقتىرعان»، - دەدى سپيكەر.
بەكشيننىڭ ايتۋىنشا، بالالار وفلاين وقۋ كەزىندە دە اتا- انالارىنان، تۋىستارىنان جۇقتىرىپ جاتىر. «كوبىنەسە وفلاين فورماتتا وقيتىن بالالاردىڭ % 61 ى ۇيىندە جۇقتىرعانى انىقتالىپ وتىر. ال بىلتىر 4 مۇعالىم اۋىرسا، بيىل 10 مۇعالىم جۇقتىرعان»، - دەدى ج. بەكشين.
اۆتور: گۇلميرا عوسمانالي