«انا دەگەن تەڭدەسى جوق ۇلىلىق!»: انالاردى كىتاپحاناشىلار قۇتتىقتادى

العىس ايتۋ كۇنىنە وراي كوپ جىلدىق تىعىز شىعارماشىلىق سەرىكتەستەرگە العىس حاتتار مەن سىيلىقتار تاپسىرىلدى. كىتاپحانالىق بەنەفيستىڭ بارلىق باستى كەيىپكەرلەرىنىڭ عيبراتتى ءومىر جولدارى مەن ەڭبەكتەگى تابىستارى، كىتاپحانامەن شىعارماشىلىق بايلانىستارى ارنايى دايىندالعان سلايد- پرەزەنتاتسيالار ارقىلى تانىستىرىلدى.

مادەني شارا اياسىندا ەكراننان كوكتەم، العىس ايتۋ كۇنىنە، حالىقارالىق ايەلدەر مەرەكەسىنە ارنالعان فوتوەتيۋدتەر، سلايد- پرەزەنتاتسيالار، ۆيدەوروليكتەر كورسەتىلدى.

ءىس-شاراعا كاسىپكەر، «مويناق گەس- قۇرىلىسى ءۇشىن» مەدالىنىڭ، رەسەيدىڭ «قۇرمەت جۇلدىزى» وردەنى مەن باسقا دا كوپتەگەن ماراپاتتاردىڭ يەگەرى كەنجينا ناسيحا، 40 جىلدان استام ونەگەلى ءومىرىن كىتاپحانا ءىسىن وركەندەتۋگە ارناعان قۇرمەتتى كىتاپحاناشى مانانبايەۆا كۇلاش، ۇلاعاتتى ۇستاز، پ. چايكوۆسكي اتىنداعى مۋزىكا كوللەدجى ديرەكتورىنىڭ تاربيە ءىسى جونىندەگى ورىنباسارى راحىمبايەۆا گۇلنار، №67-جالپى ءبىلىم بەرەتىن مەكتەپتىڭ ديرەكتورى، «قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى» دەمەۋوۆا بەيبىتكۇل، باسپاگەر، «ونەر» باسپاسى ديرەكتورىنىڭ ورىنباسارى وسپانوۆا قارلىعاش، الماتى قالاسى مادەنيەت باسقارماسىنىڭ كرەاتيۆتى يندۋستريا ءبولىمىنىڭ باس مامانى مۇحتاروۆا زارينا، الماتى پوليگرافيا كوللەدجىنىڭ كىتاپحانا مەڭگەرۋشىسى جۇمابايەۆا فاريدا، №140-مۇقاعالي ماقاتايەۆ اتىنداعى گيمنازيانىڭ ۇستازى ساتىمبايەۆا ءلايلا قاتىستى.

سونداي-اق، №67 جالپى ءبىلىم بەرەتىن مەكتەپتىڭ وقۋشىلارى مەن الماتى پوليگرافيا كوللەدجىنىڭ، الماتى قارجى- قۇقىق كوللەدجىنىڭ ستۋدەنتتەرى مەن ۇستازدارى قاتىستى.

مەرەكەلىك مادەني ءىس-شارا بارىسىندا ءسوز العان قۇرمەتتى قوناقتار جۇرەكجاردى قۇتتىقتاۋ لەبىزدەرىن ءبىلدىرىپ، كىتاپحانا قىزمەتكەرلەرىنە العىستارىن ايتتى. كىتاپحانا مەڭگەرۋشىسى ساعىن يمانبايەۆا كەلگەن قوناقتارعا سىي-سياپات كورسەتىپ، العىس حاتتارمەن ماراپاتتادى.

مادەني شارا اياسىندا №140-مۇقاعالي ماقاتايەۆ اتىنداعى گيمنازيانىڭ بالعىن بالالارى «انالارعا مىڭ العىس!» اتتى ادەبي كومپوزيتسيانى تارتۋ ەتتى. №67-جالپى ءبىلىم بەرەتىن مەكتەپتىڭ دارىندى وقىرماندارى شاقىرىلعان قوناقتارعا اق تىلەكتەرىن ارناپ كوكتەم، انا تۋرالى ولەڭدەر وقىپ بەردى. پ. چايكوۆسكي اتىنداعى مۋزىكالىق كوللەدجدىڭ 2-كۋرس ستۋدەنتتەرى جۋمارتوۆ باعجان مەن قارابالايەۆ مۇراتجان كۇمبىرلەتىپ كۇيدەن شاشۋ شاشتى، اۋەزدى اندەرىمەن تەبىرەنتتى. اتالمىش كەشتىڭ تىزگىنىن ۇستاعان ايتىسكەر جاس اقىن التىنبەك يبراگيموۆ نازىك جاندىلارعا ارناۋىن ۇسىنىپ، ءان-جىردان شاشۋ شاشتى.

اۆتور: گۇلميرا عوسمانالي