شىعىس قازاقستاندا ءبىرقاتار جول جابىلدى

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قازىرگى ۋاقىتتا ءوڭىر بويىنشا 7 جول جابىق. ونىڭ ىشىندە 5 رەسپۋبليكالىق، 2 وبلىستىق ماڭىزداعى جول.

اتاپ ايتقاندا، رەسپۋبليكالىق ماڭىزداعى «الماتى- وسكەمەن» تاسجولىنىڭ 778- 967-شاقىرىمى (اياگوز قالاسى مەن قالباتاۋ اۋىلىنىڭ ارالىعى)، «وسكەمەن- التاي- ۇلكەن نارىن- كاتونقاراعاي- راحمان قاينارى» تاسجولىنىڭ 7-66-شاقىرىمى (ۋشانوۆسك اۋىلى مەن سەرەبريانسك قالاسىنىڭ ارالىعى)، «وسكەمەن- سەمەي» تاسجولىنىڭ 10-198-شاقىرىمى (گەراسيموۆكا اۋىلى مەن سەمەي قالاسىنىڭ ارالىعى)، «ومبى- مايقاپشاعاي» تاسجولىنىڭ 756-906-شاقىرىمى (سەمەي قالاسى مەن قالباتاۋ اۋىلىنىڭ ارىلىعى) جانە «الماتى- وسكەمەن» تاسجولىنىڭ 971-1068-شاقىرىمى (قالباتاۋ اۋىلى مەن قاسىم- قايسەنوۆ كەنتىنىڭ ارىلىعى) جابىلعان.

سونداي-اق وبلىستىق ماڭىزداعى «وسكەمەن- تاۋلى ءۇلبى- سيەۆەرنوە تاسجولىنىڭ 31-60-شاقىرىمى (زويا لاگەرى مەن سيەۆەرنوە اۋىلىنىڭ ارالىعى) جانە «بورودۋليحا- جەزكەنت» تاسجولىنىڭ 0-49 شاقىرىمىندا كولىك قوزعالىسىنا تىيىم سالىنعان»، - دەلىنگەن حابارلامادا. «قازگيدرومەت» ر م ك ش ق و ف اقپاراتىنشا، 5-ناۋرىزدا كۇندىز كەي جەرلەردە جاڭبىر جاۋادى. كەي اۋدانداردا بۇرقاسىن، تۇمان، كوكتايعاق كۇتىلۋدە.

اۆتور: تالعاتجان مۇحامەتبەك ۇلى