عالىمدار كوروناۆيرۋس ينفەكسياسى الدىندا وسال قان توبىن انىقتادى

None
None
نۇر-سۇلتان. قازاقپارات – ا ق ش عالىمدارىنىڭ زەرتتەۋى بويىنشا، Ⅱ قان توبىنىڭ يەلەرى كوروناۆيرۋس ينفەكسياسىنىڭ الدىندا وسال كەلەدى.

گاۆرارد مەديتسينالىق مەكتەبىنىڭ «بريگەم ەند ۋيمەنز» كلينيكاسىندا قىزمەت ەتەتىن عالىمداردىڭ بۇل قورىتىندىسىمەن Medical Xpress سايتىندا تانىسۋعا بولادى.

جاسالعان زەرتتەۋ بارىسىندا Ⅱقان توبى يەلەرىنىڭ اعزاسى تۋرا ماعىناسىندا اۋرۋدىڭ قوزدىرۋشىسىن تارتاتىنى انىقتالدى. بۇل رەسپيراتورلىق تورلاردا جۇزەگە اسادى. RBD كوروناۆيرۋس اقۋىزى (بايلانىستىرۋشى دومەن- رەتسەپتور) وسى قان توبىنىڭ انتيگەنىمەن بايلانىسقا تۇسەدى. بۇل «قوزدىرۋشىنىڭ» تىنىس الۋ ورگاندارىندا جايعاسۋىنا سەبەپشى بولادى.

دارىگەرلەر RBD-دىڭ ەريتروتسيت جانە رەسپيراتورلىق تورلارمەن ءوزارا ارەكەتتەسۋىن تالداي وتىرىپ، باسقا قان توپتارىنىڭ مۇنداي ۆيرۋستىق شابۋىلعا جاقسى قارسىلاساتىنىن انىقتاعان. دەگەنمەن، عالىمدار كوروناۆيرۋسپەن اۋىراتىن ناۋقاستاردىڭ اۋرۋىنىڭ دامۋى ولاردىڭ قان توبىنا بايلانىستى ەكەندىگى تۋرالى بولجامدى ءالى كۇنگە دەيىن دالەلدەگەن جوق.

سوڭعى جاڭالىقتار