مەملەكەتتىك كوميسسيا كاسىپكەرلەردى قولداۋ بويىنشا شۇعىل شارالار توپتاماسىن ماقۇلدادى

None
None
نۇر-سۇلتان. قازاقپارات - 2021-جىلى 4- ناۋرىزدا ق ر پرەمەر-ءمينيسترى اسقار مامين ق ر پرەزيدەنتى جانىنداعى ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسيانىڭ وتىرىسىن وتكىزدى.

بۇل تۋرالى قازاقپارات ۇكىمەتتىڭ رەسمي سايتىنا سىلتەمە جاساپ حابارلايدى.

جاڭا ەكونوميكالىق شىنايىلىق جاعدايىندا ىسكەرلىك بەلسەندىلىكتى ىنتالاندىرۋ ماسەلەلەرى قارالدى.

ۇلتتىق ەكونوميكا ءمينيسترى اسەت ەرعاليەۆ، «اتامەكەن» ۇ ك پ باسقارما ءتوراعاسى ابىلاي مىرزاحمەتوۆ، ق ر قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا، پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ بايانداما جاسادى.

2020-جىلدان باستاپ ۇلتتىق ەكونوميكاداعى قالپىنا كەلتىرۋ سەرپىنىن قامتاماسىز ەتۋ ماقساتىندا جۇمىسپەن قامتۋعا جاردەمدەسۋدى، كاسىپكەرلىك قىزمەتتى جانداندىرۋدى، سيفرلاندىرۋدى، ا و ك الەۋەتىن اشۋدى، سونداي-اق تۇرعىن ءۇي-كوممۋنالدىق، كولىك، الەۋمەتتىك جانە ساۋدا ينفراقۇرىلىمىن دامىتۋدى كوزدەيتىن داعدارىسقا قارسى شارالاردىڭ بىرنەشە توپتاماسى قابىلداندى.

2020-جىلى COVID-19 پاندەمياسىنىڭ سالدارىنان ەكونوميكانىڭ ەڭ كوپ زارداپ شەككەن سەكتورلارىنىڭ ءبىرى شاعىن جانە ورتا بيزنەس بولدى. وسىعان بايلانىستى، بيىل «اتامەكەن» ۇ ك پ 50 مىڭنان استام كاسىپكەرگە قوسىمشا قولداۋ شارالارىنا قاجەتتىلىك تۇرعىسىنان ساۋالناما جۇرگىزدى.

ساۋالناما ناتيجەلەرىنىڭ نەگىزىندە 4 باعىت:

بيزنەسكە جۇكتەمەنى ازايتۋ، قارجىلاندىرۋعا، سۇرانىس نارىقتارىنا جانە ساپالى ادام رەسۋرستارىنا قولجەتىمدىلىكتى كەڭەيتۋ بويىنشا 24 شارادان تۇراتىن قوسىمشا پاكەت ازىرلەندى. جاڭا شارالار توپتاماسى ا. ج. 26- اقپاندا مەملەكەت باسشىسى قاسىم-جومارت توقايەۆتىڭ توراعالىعىمەن وتكەن رەفورمالار جونىندەگى جوعارى كەڭەس اياسىندا قارالدى.

شارالار كەشەنى ەكونوميكانىڭ زارداپ شەككەن سالالارىنداعى شوب سۋبەكتىلەرىنىڭ ە ق ج ج تىزبەسىن 2021-جىلعى 1- ماۋسىمعا دەيىن جەڭىلدىكتى شارتتارمەن قايتا قارجىلاندىرۋ ءۇشىن 29 دان 174 كە دەيىن كەڭەيتۋدى، مەملەكەتتىك مۇلىك وبەكتىلەرى جانە كۆازيمەملەكەتتىك سەكتور مۇلكى بويىنشا جالداۋ تولەمدەرىن ەسەپتەۋدەن 2021-جىلعى 1- شىلدەگە دەيىن شوب زارداپ شەككەن سۋبەكتىلەرىن بوساتۋدى ۇزارتۋدى، اعىمداعى جىلدىڭ سوڭىنا دەيىن مۇلىك سالىعىن تولەۋدەن بوساتۋدى ۇزارتۋدى، جۇمىس بەرۋشىدەن العان قورعاۋ قاراجاتى تۇرىندە كاسىپكەرلىك سۋبەكتىلەرى جۇمىسكەرلەرىنىڭ تابىستارىن ج ت س- دان بوساتۋدى، مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىنىڭ باستاماسى بويىنشا زاڭدى تۇلعالار مەن جەكە كاسىپكەرلەردىڭ بانكروتتىعىنا موراتوريدى 2021-جىلعى 1- شىلدەگە دەيىن ۇزارتۋ، وتاندىق تاۋار وندىرۋشىلەردىڭ مەملەكەتتىك ساتىپ الۋعا قولجەتىمدىلىگىن ارتتىرۋ، «دامۋ» ك د ق» ا ق كەپىلدىك بەرۋ قۇرالىن ۇلتتىق بانكتىڭ جەڭىلدىكپەن نەسيەلەندىرۋ باعدارلاماسىنا تاراتۋدى قامتيدى.

قوسىمشا شارالار پاكەتى وزىق قالپىنا كەلتىرۋ سەرپىنىن جانە جاڭا ەكونوميكالىق شىنايىلىق جاعدايىندا ىسكەرلىك بەلسەندىلىكتى ىنتالاندىراتىن ەكوجۇيەنى قالىپتاستىرۋدى قامتاماسىز ەتۋگە مۇمكىندىك بەرەدى.

تىكەلەي ءىس-قيمىل شارالارى اعىمداعى جىلى ج ءى ءو- ءنىڭ %3 وسۋىنە قول جەتكىزۋگە ىقپال ەتەتىن بولادى، 3,3 ميلليوننان استام ادام جۇمىس ىستەيتىن 1,2 ميلليوننان استام كاسىپكەرلىك سۋبەكتىلەرىن قولداۋدى قامتاماسىز ەتەدى. پرەمەر-مينيستر پارلامەنت ماجىلىسىنە 25- ناۋرىزعا دەيىن ەنگىزۋ ءۇشىن ۇلتتىق ەكونوميكا مينيسترلىگىنە قولدانىستاعى زاڭناماعا ءتيىستى تۇزەتۋلەر توپتاماسىن اعىمداعى جىلدىڭ 12- ناۋرىزىنا دەيىن ۇكىمەتكە ەنگىزۋدى تاپسىردى.

سوڭعى جاڭالىقتار