قازاقستانداعى اقىلى جولداردا جۇرگىزۋشىلەرگە تەگىن كومەك كورسەتىلەدى

پاۆلودار وبلىسىنىڭ پاۆلودار، ەكىباستۇز، اقسۋ، اققۋلى، جەلەزين جانە تەرەڭكول اۋداندارىندا نۇر- سۇلتان - پاۆلودار، پاۆلودار - ر ف (ومبى) شەكاراسى، پاۆلودار - سەمەي - قالباتاۋ ۋچاسكەلەرىندە اقى الۋدىڭ اشىق جۇيەسىن ەنگىزۋ ماسەلەسى بويىنشا قوعامدىق تىڭداۋ ءوتتى، دەپ حابارلايدى قازاقپارات «قازاۆتوجول» ۇ ك باسپا ءسوز قىزمەتىنە سىلتەمە جاساپ.

الداعى ۋاقىتتا تىڭداۋ شىعىس قازاقستان وبلىسىندا جالعاسادى. «قازاۆتوجول» ۇلتتىق كومپانياسىنىڭ وكىلدەرى سەمەي، شار، بەسقاراعاي جانە جارما اۋداندارىنىڭ تۇرعىندارىمەن كەزدەسەدى. ولار ءوڭىر تۇرعىندارىنا اقى الۋدىڭ اشىق جۇيەسىنىڭ جۇمىس پرينتسيپتەرىن، تولەم تاسىلدەرىن، جەڭىلدىكتەر، جول بويىنداعى سەرۆيستى دامىتۋ جانە اقىلى ۋچاسكەلەردە قاۋىپسىزدىكتى قامتاماسىز ەتۋ جۇيەلەرىن تۇسىندىرەدى.

ولاردىڭ اقپاراتى بويىنشا، پاۆلودار وبلىسىنىڭ ءۇش اقىلى ۋچاسكەسىندە پيلوتتىق رەجيمدە 10 باقىلاۋ اركاسى جۇمىس ىستەيدى. سونداي-اق كليەنتتەرمەن جۇمىس ىستەيتىن 4 ورتالىقتى ىسكە قوسۋ جوسپارلانۋدا. پاۆلودار - ومبى جانە پاۆلودار - سەمەي - قالباتاۋ جولدارىندا جەڭىل كولىكتەن تولەم الىنبايدى. سونداي- اق، رەكونسترۋكتسيالاۋ جۇمىستارى اياقتالعانعا دەيىن نۇر- سۇلتان - پاۆلودار تاس جولىنداعى جوندەلىپ جاتقان ۇزىندىعى 24 ك م جول ۋچاسكەسىمەن ءجۇرۋ تەگىن بولادى.

تانىستىرىلىمنان كەيىن سۇراق-جاۋاپ سەسسياسى ءوتتى. وندا «قازاۆتوجول» ماماندارى اقىلى ۋچاسكەلەردە جول اپاتى، تەحنيكالىق اقاۋ نەمەسە جانارمايدىڭ تاۋسىلۋى سياقتى قيىن جاعدايعا تاپ بولعان جۇرگىزۋشىلەرگە قولداۋ كورسەتەتىن قىزمەتتەر جۇمىس ىستەيتىنىن حابارلادى.

كومەك كورسەتۋ تەگىن بولادى. قولداۋ قىزمەتىن شاقىرۋ ءۇشىن 1403 قىسقا ءنومىرى ارقىلى «قازاۆتوجول» بايلانىس ورتالىعىنا حابارلاسسا جەتكىلىكتى.

«تىڭداۋلاردىڭ قورىتىندىسى بويىنشا پاۆلودار وبلىسىنىڭ جۇرتشىلىعى ءوڭىردىڭ جولدارىن اقىلى ەتۋ جونىندەگى مەملەكەتتىڭ جوسپارلارىنا وڭ باعا بەردى. سونىمەن قاتار، جەرگىلىكتى تۇرعىندار اشىق اقىلى جۇيە ەنگىزىلگەنگە دەيىن بارلىق جولدار ءتيىستى جاعدايعا كەلتىرىلسە دەگەن تىلەك ءبىلدىردى. سونداي-اق، اۆتوجولدار جيەگىنىڭ ەنىن كەڭەيتۋ، جاڭا جولدار قۇرىلىسىنىڭ ساپاسىن جاقسارتۋ ۇسىنىلدى»، - دەلىنگەن حابارلامادا.