قاسىم حان تۋرالى فيلمدە باستى رولدەردى سومدايتىن اكتەرلەر بەلگىلى بولدى

None
None
نۇر- سۇلتان. قازاقپارات - قاسىم حان تۋرالى «ۇلى دالا تاڭى» تولىقمەتراجدى تاريحي كوركەم فيلمدەگى باستى رولدەردى سومدايتىن اكتەرلەردىڭ كىمدەر ەكەنى بەلگىلى بولدى، دەپ حابارلايدى قازاقپارات «قازاقفيلم» كينوستۋدياسىنا سىلتەمە جاساپ.

«دوستار، سىزدەرگە رەجيسسەر اقان ساتايەۆتىڭ «ۇلى دالا تاڭى» فيلمىندە باستى رولدە وينايتىن اكتەرلەردىڭ ەسىمدەرىن قۋانىشپەن حابارلايمىز: قاسىم حاننىڭ جاس كەزىن دانيار ورازايەۆ وينايدى، ەرەسەك قاسىم حان - بەرىك ايتجانوۆ، جاس بۇرىندىق حان - ايدوس ابدىكادىروۆ، ەرەسەك بۇرىندىق حان - ەرىك جولجاقسىنوۆ. مۇحاممەد شايباني - نۇرلان ءالىمجانوۆ. جاھان بەگىمنىڭ جاس كەزىن التىناي نوگەربەك، ەگدە جاھان بەگىمدى شامشاگۇل مەندياروۆا وينايدى. ءالي ءراشيدتىڭ جاس كەزىن - قۋانىش قۇدايبەرگەن، ەرەسەك ءالي ءراشيدتى - تۇڭعىشباي جامانقۇلوۆ سومدايدى»، دەلىنگەن حابارلامادا.

كينوتۋىندىنى قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» كينوستۋدياسى تۇسىرەدى. العاشقى ءتۇسىرىلىم جۇمىستارى 25-اقپاندا الماتى وبلىسى جاركەنت اۋدانى كوكتال اۋىلىنىڭ ماڭىندا باستالدى.

سوڭعى جاڭالىقتار