بالانى ەدەنگە لاقتىرعان: وسكەمەندە بالاباقشا تاربيەشىسىنە ءىس قوزعالدى
ش ق و اكىمى باسپا ءسوز قىزمەتىنىڭ مالىمەتىنە سۇيەنسەك، 3 -ناۋرىزدا وبلىستىق ءبىلىم باسقارماسىنا حابارلاسقان اتا- انا «ارمان» بالاباقشاسىنداعى «ەركەتاي» توبى تاربيەشىسىنىڭ بالاعا قاتال قاراۋى جانە تاربيەلەۋ جونىندەگى وزىنە جۇكتەلگەن مىندەتتەرىن ورىنداماۋى تۋرالى ارىزبەن جۇگىندى.
«قازىرگى ۋاقىتتا ق ر ق ك 140-بابى 2-بولىگى بويىنشا سوتقا دەيىنگى تەرگەۋ باستالدى. ءتيىستى ساراپتامالار تاعايىندالعان» دەلىنگەن حابارلامادا.
بالاباقشا ديرەكتورى مەن تاربيەشىسى ق ر ەڭبەك كودەكسىنىڭ 52-بابى اياسىندا قىزمەتتەرىنەن بوساتىلدى. بۇگىن ش ق و ءبىلىم باسقارماسىنىڭ باسشىلىعى بالاباقشا تاربيەلەنۋشىلەرىنىڭ اتا- انالارىمەن كەزدەسۋ وتكىزەدى.
«سونداي- اق قالانىڭ ۇزدىك پسيحولوگتارى بالالارمەن جۇمىس ىستەۋگە تارتىلاتىن بولادى. ماسەلە وبلىس باسشىلىعىنىڭ باقىلاۋىندا» دەلىنگەن اقپاراتتا.
اۆتور: تالعاتجان مۇحامەتبەك ۇلى