الەمگە تانىمال دوكتور سيۋزدىڭ التى كىتابىن شىعارۋعا تىيىم سالىندى

None
None
نۇر- سۇلتان. قازاقپارات – الەمگە تانىمال بالالار جازۋشىسى دوكتور سيۋزدىڭ 6 كىتابىن شىعارۋعا تىيىم سالىندى، دەپ حابارلايدى «حابار 24».

قالامگەر شىعارمالارىنىڭ اۆتورلىق قۇقىعىنا يە باسپا وكىلدەرىنىڭ مالىمدەۋىنشە، 1937 جانە 1976 -جىلدار ارالىعىندا جازىلعان ەرتەگىلەردەن قارا ناسىلدىلەر مەن ازيالىقتاردى كەمسىتكەن سوزدەر انىقتالعان. بۇعان دەيىن جازۋشىنىڭ 650 ميلليوننان استام كىتابى ساتىلعان. بىلتىرعى ساتىلىمنان 33 ميلليون دوللار تازا پايدا تۇسكەن.

ايتا كەتەيىك، دوكتور سيۋز 60-تام استام كىتاپتىڭ اۆتورى.

پامەلا گۋد، Beyond Basics باسپاسىنىڭ باسشىسى:

- بالالار قاتەلىك جاساۋعا بەيىم ەكەنىمىزدى بىلگەنى ماڭىزدى دەپ ويلايمىن. دوكتور سيۋز قازىر ءتىرى بولعاندا، كوپ نارسەنى باسقاشا جاسار ەدى. سوندىقتان وسىنىڭ ءوزى وسكەلەڭ ۇرپاقتى كوپ نارسەگە ۇيرەتۋگە مۇمكىندىك بەرەدى دەپ ويلايمىن.

گرەگ زير، وقىرمان:

- مادەنيەت تاريحىن جوققا شىعارۋعا بولمايدى. ءسىزدى دە سانادان وپ- وڭاي وشىرە سالۋعا بولادى. ءبىراق قازىر دە ءبىزدىڭ قوعامدا وزگەرتىلۋى ءتيىس ءان ماتىندەرى، ولەڭدەر تولىپ جاتىر عوي. بۇل جەردە سەنزۋرا بار سياقتى. قازىرگى زاماندا مۇلدە كۇلكىلى ءارى ەرسى بولىپ كورىنەدى.

سوڭعى جاڭالىقتار