سەناتور ومارتاشىلار مەن مارال وسىرۋشىلەردى قولداۋدى سۇرادى

دەپۋتات بۇل سالالار شۇعىل مەملەكەتتىك قولداۋدى قاجەت ەتەتىنىنە نازار اۋداردى، دەپ حابارلايدى قازاقپارات ءتىلشىسى.

دەپۋتاتتىڭ پايىمىنشا، اسىل تۇقىمدى ارا ۇيالارى مەن ولاردىڭ ونىمدەرىن وڭدەۋ كاسىپورىندارىنىڭ بولماۋى، اسىل تۇقىمدى ومارتالار سانىنىڭ ازدىعى، ماتەريالدىق- تەحنيكالىق بازانىڭ جەتكىلىكسىزدىگى جانە ۆەتەرينارلىق قىزمەت جۇمىسىنداعى كەمشىلىكتەر شەشىمىن تابۋعا ءتيىستى ماسەلەلەردىڭ قاتارىندا تۇر.

سالانى دامىتۋدى جۇيەلى جوسپارلاۋ، كەشەندى زەرتتەۋلەر، سەلەكسيالىق جۇمىستى جۇيەلەۋ، سونداي- اق اۋدانداستىرىلعان جانە اسىل تۇقىمدى ومارتالار جەلىسىن قۇرۋ جاعدايدى جاقسارتۋى ءتيىس. مارال ءوسىرۋ شارۋاشىلىقتارىنا كەلەتىن بولساق، دەپۋتات وتكەن 30 جىل ىشىندە شارۋاشىلىقتارداعى جانۋارلاردىڭ سانى ەكى ەسە قىسقارعانىن اتاپ ءوتتى.

«بۇل سالالاردى قامتيتىن مەملەكەتتىك باعدارلامالار جانە «اۋىل - ەل بەسىگى» ارنايى جوباسى اياسىندا ۇيلەستىرىلگەن شارالار، شالعايداعى، اسىرەسە شەكارا بويىنداعى حالىقتىڭ ءال- اۋقاتىن ارتتىرۋعا سەرپىن بەرەرى ءسوزسىز»، - دەدى دۇيسەنعازى مۋسين.

سەناتور ازىرلەنىپ جاتقان اگروونەركاسىپ كەشەنىن دامىتۋدىڭ 2022-2026 -جىلدارعا ارنالعان ۇلتتىق جوباسى اياسىندا مەملەكەتتىك قولداۋ كورسەتۋدى ۇسىندى.

اۆتور: رۋسلان عابباسوۆ