+7 (701) 759 90 19
+7 °С : نۇر-سۇلتان
+14 °С : الماتى
USD 430.69 EUR 518.42
RUB 5.66 CNY 66.17
جاڭالىقتار

قانداستارعا مەملەكەتتىك قىزمەتتى ءبىر مەزگىلدە كورسەتۋ تەتىگى ىسكە قوسىلادى

3 ناۋرىز 16:51
:ءبولىسۋ
قانداستارعا مەملەكەتتىك قىزمەتتى ءبىر مەزگىلدە كورسەتۋ تەتىگى ىسكە قوسىلادى

نۇر- سۇلتان. قازاقپارات - 2021 -جىلدىڭ II توقسانىندا حالىققا قىزمەت كورسەتۋ ورتالىقتارىندا «قانداستارعا» مەملەكەتتىك قىزمەتتى ءبىر مەزگىلدە كورسەتۋ تەتىگى ىسكە قوسىلادى.

بۇل تۋرالى ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترى اسقار ءماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«زاڭناماعا سايكەس قانداستارعا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسى اياسىندا «ەڭبەك نارىعى» اۆتوماتتاندىرىلعان اقپاراتتىق جۇيەسى ارقىلى جۇزەگە اسىرىلاتىن ەرىكتى تۇردە قونىس اۋدارۋدى قولداۋ شارالارىن قوسا العاندا، حالىقتى جۇمىسپەن قامتۋ سالاسىنداعى كورسەتىلەتىن قىزمەتتەرمەن قامتاماسىز ەتۋگە قانداستارعا قازاقستان رەسپۋبليكاسىنىڭ ازاماتتارىمەن تەڭ مۇمكىندىك بەرىلەدى.

سونىمەن قاتار مەملەكەت باسشىسىنىڭ (2020 -جىلعى 22 -قازاندا ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا بەرىلگەن) «ەڭبەك» مەملەكەتتىك باعدارلاماسى اياسىندا قونىس اۋدارۋشىلارعا جانە قانداستارعا سولتۇستىك وڭىرلەرگە كوشۋگە بەرىلەتىن سۋبسيديالار مولشەرىن 2 ەسە - 35-تەن 70 اەك- كە دەيىن ۇلعايتۋعا قاتىستى تاپسىرماسىن ىسكە اسىرۋ بويىنشا ۇكىمەت قاۋلىسىنىڭ جوباسى ازىرلەندى»، - دەدى اسقار مامين.

ونىڭ ايتۋىنشا، تاريحي وتانىنا شەتەلدەن ورالعان قانداستارعا كونسۋلتاتسيالىق جانە اقپاراتتىق قولداۋ كورسەتۋ ماقساتىندا الماتى جانە شىمكەنت قالالارىندا، سونداي- اق الماتى، اقمولا، سولتۇستىك قازاقستان، شىعىس قازاقستان، قاراعاندى، قوستاناي، پاۆلودار جانە جامبىل وبلىستارىندا «قانداستاردى اقپاراتتىق قولداۋ ورتالىقتارى» (فرونت وفيستەر) قۇرىلدى. «اتالعان فرونت وفيستەر 2020 -جىلى قانداستاردىڭ 5 مىڭنان استام ءوتىنىشىن قارادى.

«ازاماتتارعا ارنالعان ۇكىمەت» مەملەكەتتىك كورپوراتسياسىمەن بىرلەسىپ، «ءبىر تەرەزە» قاعيداتى بويىنشا «قانداستارعا» مەملەكەتتىك قىزمەت كورسەتۋ كەزىندە بيزنەس- پروتسەستەردى وڭتايلاندىرۋ جونىندەگى جول كارتاسى ىسكە اسىرىلۋدا»، - دەدى ۇكىمەت باسشىسى.

اسقار ماميننىڭ اتاپ وتۋىنشە، وسى جىلدىڭ II توقسانىندا حالىققا قىزمەت كورسەتۋ ورتالىقتارىندا وڭىرلىك كۆوتاعا ەنگىزۋدى، تۇراقتى تۇرۋعا رۇقسات الۋدى جانە جەڭىلدەتىلگەن تارتىپپەن قازاقستان رەسپۋبليكاسىنىڭ ازاماتتىعىنا قابىلداۋدى كوزدەيتىن «قانداستارعا» مەملەكەتتىك قىزمەتتى ءبىر مەزگىلدە كورسەتۋ ىسكە قوسىلاتىن بولادى.

«بۇدان باسقا، قانداستاردى بەيىمدەۋ جانە ينتەگراتسيالاۋ ورتالىقتارىندا (قاراعاندى، تۇركىستان وبلىستارى جانە شىمكەنت قالاسى) اقپاراتتىق- انىقتامالىق قىزمەتتەر كورسەتىلەدى. ونىڭ ىشىندە قازاقستان رەسپۋبليكاسىنىڭ تاريحى، مادەنيەتى مەن داستۇرلەرى، زاڭناما نەگىزدەرى جانە شاعىن بيزنەس اشۋ بويىنشا وقىتۋ كۋرستارىن وتكىزۋ، قانداستاردىڭ قوعامعا بەيىمدەلۋى مەن ينتەگراتسياسىن جەدەلدەتۋگە ىقپال ەتەتىن جۇمىسقا ورنالاسۋعا كومەك كورسەتىلەدى»، - دەدى پرەمەر- مينيستر.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات