قازاقستان مەن قىرعىزستان پرەزيدەنتتەرى «استانا» حالىقارالىق قارجى ورتالىعىنا باردى
مەملەكەت باسشىلارى ا ح ق و- نىڭ حالىقارالىق سوتى جانە اربيتراج ورتالىعىنىڭ، قارجىلىق قىزمەت كورسەتۋ جۇمىسىن رەتتەۋ جونىندەگى كوميتەتتىڭ، يسلام قارجىسى مەن بيزنەسى جونىندەگى حابتىڭ، جاسىل قارجىلار ورتالىعىنىڭ جۇمىسىمەن تانىستى.
سونىمەن قاتار ەكى ەل پرەزيدەنتتەرىنە ەكسپات ورتالىعىنىڭ، ا ح ق و بيرجاسىنىڭ، ۇزدىكسىز كاسىبي دامۋ بيۋروسى مەن قارجى تەحنولوگياسى حابىنىڭ قىزمەتتەرى تۋرالى مالىمەت بەرىلدى. قاسىم- جومارت توقايەۆ پەن سادىر جاپاروۆقا قارجى ورتالىعىنىڭ ءبىرقاتار ازىرلەمەلەرى، اتاپ ايتقاندا، e-Justice ەلەكتروندى سوت تورەلىگىنىڭ جۇيەسى مەن TABYS موبيلدى قوسىمشاسى تانىستىرىلدى. ءىس- شارا سوڭىندا «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ كەلەشەكتە ا ح ق و- نىڭ فيليالىن بىشكەكتە، ال قىرعىزستاننىڭ ينۆەستيتسيا تارتۋ جونىندەگى اگەنتتىگىنىڭ وكىلدىگىن قارجى ورتالىعىندا اشۋدى ۇسىندى.
