15:32, 03 - ناۋرىز 2021 | GMT +6
الماتىدا روزا باعلانوۆاعا ەسكەرتكىش قويىلادى
الماتى. قازاقپارات - الماتىدا روزا باعلانوۆاعا ەسكەرتكىش قويىلادى، دەپ حابارلايدى قازاقپارات ءتىلشىسى.
الماتى قالاسى مادەنيەت باسقارماسىنىڭ حابارلاۋىنشا، روزا ءتاجىباي قىزى باعلانوۆانىڭ قۇرمەتىنە ەسكەرتكىش قابانباي باتىر كوشەسىنىڭ وڭتۇستىك بولىگىندە، بايسەيىتوۆا كوشەسىنىڭ شىعىس جاعىندا ورناتىلادى.
«12-ناۋرىزعا دەيىن روزا ءتاجىباي قىزى باعلانوۆاعا ارنالعان ەڭ جاقسى ەسكەرتكىشتىڭ جوباسىن جاساۋعا اشىق كونكۋرس جاريالاندى. قازىرگى ۋاقىتتا مونۋمەنتالدى ونەردىڭ قۇرۋ پروتسەسى ءجۇرىپ جاتقان سوڭ، بيۋدجەت 2021 -جىلدىڭ ەكىنشى جارتىسىندا قارالاتىن بولادى. ازىرگە ەسكەرتكىش سالۋعا قانشا قاراجات جۇمسالارى بەلگىسىز»، - دەدى باسقارمادان.
روزا باعلانوۆا - كەڭەستىك، قازاقستاندىق وپەرا جانە ەسترادا ءانشىسى. ك س ر و حالىق ءارتىسى. قازاقستاننىڭ حالىق قاھارمانى.