+7 (701) 759 90 19
+7 °С : نۇر-سۇلتان
+14 °С : الماتى
USD 430.69 EUR 518.42
RUB 5.66 CNY 66.17
جاڭالىقتار

ماجىلىستە الاش ارىستارىنىڭ ەسىمدەرىن جەرگىلىكتى جەردە ۇلىقتاۋ ماسەلەسى كوتەرىلدى

3 ناۋرىز 17:30
:ءبولىسۋ
ماجىلىستە الاش ارىستارىنىڭ ەسىمدەرىن جەرگىلىكتى جەردە ۇلىقتاۋ ماسەلەسى كوتەرىلدى

نۇر-سۇلتان. قازاقپارات - ءماجىلىس دەپۋتاتى قازىبەك يسا ەلىمىزدىڭ تۇكپىر-تۇكپىرىندەگى الاش ۇستانىمىن ناسيحاتتاعان، سول ءۇشىن قۇربان بولعان جەرگىلىكتى الاش قوزعالىسى قايراتكەرلەرىنىڭ ەسىمدەرى ءالى دە بەلگىسىز بولىپ وتىرعانىن ايتتى، دەپ حابارلايدى قازاقپارات ءتىلشىسى.

بيىل 30 جىلدىعى اتالىپ وتەتىن قازاق ەلى تاۋەلسىزدىگى جولىنداعى عاسىرلار بويعى جانقيارلىق كۇرەستىڭ ىشىندە الاشوردانىڭ ورنى ايرىقشا! باستى ۇرانى - جەردى ساتپاۋ، ءتىلدى ساقتاۋ بولعان الاش ارىستارىن ۇلىقتاۋدى ق ر پرەزيدەنتى توقايەۆ «تاۋەلسىزدىك بارىنەن قىمبات» اتتى ماقالاسىندا باستاپ بەردى: «ءبىز كەزىندە ەلگە قىزمەت ەتۋدىڭ وزىق ۇلگىسىن كورسەتكەن الاش قايراتكەرلەرىنەن تاعىلىم الامىز.. . تاۋەلسىزدىگىمىزدىڭ مەرەيتويى اياسىندا وسىنداي ءبىرتۋار تۇلعالاردى ەسكە الىپ، ولاردىڭ مۇراسىن جاستارىمىزعا جانە بۇكىل الەمگە پاش ەتۋىمىز كەرەك» - دەپ، اتاپ كورسەتتى. الايدا، الاش دەسە قاراپايىم كوپشىلىكتىڭ ەسىنە تەك الاشوردا ۇكىمەتىنىڭ كورنەكتى كوسەمدەرى ءاليحان بوكەيحان، احمەت بايتۇرسىن ۇلى، ءمىرجاقىپ دۋلات ۇلى سەكىلدى بىرنەشە تۇلعانىڭ ەسىمى كەلەدى. شىن مانىندە بۇل ءتىزىم الدەقايدا اۋقىمدى»، - دەدى ق. يسا پارلامەنت ءماجىلىسىنىڭ جالپى وتىرىسىندا پرەمەر- ءمينيسترىنىڭ ورىنباسارى ەرالى توعجانوۆتىڭ اتىنا جولداعان دەپۋتاتتىق ساۋالىندا.

ونىڭ ايتۋىنشا، ەلىمىزدىڭ تۇكپىر-تۇكپىرىندەگى الاش ۇستانىمىن ناسيحاتتاعان، سول ءۇشىن قۇربان بولعان جەرگىلىكتى الاش قوزعالىسى قايراتكەرلەرىنىڭ ەرلىكتەرى ەسكەرىلمەي، ەسىمدەرى الىگە دەيىن بەلگىسىز بولىپ وتىرعانى وكىنىشتى. بۇلاردىڭ ءبارى تاۋەلسىز قازاق ەلى ءۇشىن قۇربان بولعاندار!

«سول سەبەپتەن، 2019 -جىلى «اق جول» پارتياسىنىڭ ءتوراعاسى «الاش» مادەنيەت جانە رۋحاني دامۋ ينستيتۋتىمەن بىرىگىپ، بۇرىن بەلگىسىز بولىپ كەلگەن 700 دەن استام تۇلعانى قۇرايتىن جەرگىلىكتى الاش قايراتكەرلەرىنىڭ ءتىزىمىن دايىندادى. الاش تانۋشى عالىمداردىڭ زەرتتەۋلەرىنىڭ نەگىزىندە جاسالعان تىزىمگە كوپشىلىك قاۋىمعا ەسىمدەرى ۇمىت بولعان ءار ءوڭىردىڭ جەرگىلىكتى الاش قايراتكەرلەرى ەنگىزىلدى. ءاربىر وبلىس، قالا اكىمدەرىنە سول جەرگە قاتىسى بار، سول جەردەن شىققان الاششىل ازاماتتاردىڭ ءتىزىمى جىبەرىلىپ، ولاردىڭ اتتارىڭ جەرگىلىكتى جەردەگى كوشە، مەكتەپ، ت. ب. نىساندار اتاۋلارىنا قولدانۋدى ۇسىنعان بولاتىنبىز. الايدا، الىنعان جاۋاپتار كوڭىلگە قونبايدى. كوبىنەسە جاۋاپتار جالتارما سيپاتتا، بۇعان دەيىن الاشتىڭ ەل اۋزىنداعى جيىرما شاقتى تانىمال باسشىلارىنىڭ ەسىمدەرىنىڭ اتاۋمەن شەكتەلگەن»، - دەدى دەپۋتات.

«سول سەبەپتەن، «اق جول» پارتياسى، تاۋەلسىزدىگىمىزدىڭ 30 جىلدىق مەرەيتويىنىڭ قارساڭىندا، الاش قايراتكەرلەرىنىڭ ەسىمدەرىن ونوماستيكا تۇرعىسىندا قولدانۋدى ءجون ساناپ، اتالعان ءتىزىمدى ۇكىمەتكە جىبەرىپ وتىرمىز. وسىعان بايلانىستى، «اق جول» ق د پ فراكسياسىنىڭ دەپۋتاتتارى، 2019 -جىلى ءبىز جولداعان حاتتاردى جەرگىلىكتى اكىمدىكتەرگە قايتا كوتەرۋدى تاپسىرىپ، مىڭداعان الاش ارىستارىنىڭ قاسيەتتى ەسىمدەرىن جەرگىلىكتى جەردە ۇلىقتاۋ شارالارىن باقىلاۋعا الۋىڭىزدى سۇرايدى»، - دەدى قازىبەك يسا.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات