ساۋىردەن باستاپ قازاقستاندىقتار كەز كەلگەن وڭىردە زەينەتاقىعا ءوتىنىش بەرە الادى

None
None
نۇر-سۇلتان. قازاقپارات - 2021 -جىلدىڭ 1-ساۋىرىنەن قازاقستاندىقتار كەز كەلگەن حالىققا قىزمەت كورسەتۋ ورتالىعىندا زەينەتاقى مەن جاردەماقى تاعايىنداۋعا ءوتىنىش بەرە الادى.

بۇل تۋرالى قر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى ەربول وسپانوۆ ايتتى، دەپ حابارلايدى قازاقپارات ءتىلشىسى.

«قىزمەت الۋشىلارعا ىڭعايلى بولۋ ماقساتىندا ءبىز زەينەتاقى مەن جاردەماقى تاعايىنداۋعا وتىنىشتەردى ەكساۋماقتىق قابىلداۋ بويىنشا جۇمىس جۇرگىزىپ جاتىرمىز. بۇل پرينتسيپ ازاماتتاردىڭ تىركەلگەن جەرىنەن عانا ەمەس، باسقا وڭىرلەردەگى كەز كەلگەن حالىققا قىزمەت كورسەتۋ ورتالىعىندا زەينەتاقى مەن جاردەماقى تاعايىنداۋعا ءوتىنىش بەرە الادى. وسىلايشا، قىزمەتتەردى كەزەڭ- كەزەڭمەن ەكساۋماقتىق پرينسيپكە اۋىستىرۋدى وسى جىلعى 1-ساۋىردەن باستاپ ىسكە قوسۋ جوسپارلانعان»، - دەدى ەربول وسپانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سوڭعى جاڭالىقتار