قازاقستاندا ءسۇت قىمباتتادى

نۇرسۇلتان. قازاقپارات - قازاقستاندا 2020 -جىلى ءسۇت باعاسى 9 پايىزعا كوتەرىلدى. ساراپشىلار ەلدەگى ءسۇت ءوندىرىسىنىڭ جاعدايى تۋرالى ايتتى، - دەپ حابارلايدى Energyprom.kz سايتى.

زەرتتەۋشىلەردىڭ ايتۋىنشا، رەسپۋبليكا بويىنشا قاڭتاردا ءسۇت 0,4 پايىز، ال 2020 -جىلى 9 پايىز قىمباتتاعان.

قازاقستان 2020 -جىلى 598,5 مىڭ توننا ءسۇت پەن كىلەگەي ءوندىردى. بۇل بىلتىرمەن سالىستىرعاندا 7,5 پايىزعا كوپ. ال 2021 -جىلدىڭ قاڭتارىندا رەسپۋبليكادا سۇيىق ءسۇت پەن كىلەگەي ءوندىرىسى 49,7 مىڭ تونناعا ارتتى، بىلتىرعىدان 10,5 پايىز كوپ.

«وڭىرلەر بويىنشا بارلىق ءسۇت ءوندىرۋدىڭ ۇشتەن ءبىرى سولتۇستىك قازاقستان وبلىسىنا تيەسىلى: 16,2 مىڭ توننا. ودان كەيىن الماتى جانە اقمولا وبلىستارى تۇر»، - دەپ جازدى ماماندار.

2021 -جىلدىڭ قاڭتارىندا سيىر ءسۇتى بىلتىرعى وسى كەزەڭمەن سالىستىرعاندا 3,8 پايىزعا ارتىق وندىرىلگەن.

«وڭىرلەرگە بولگەندە جالپى كولەمنىڭ جارتىسى الماتى، تۇركىستان جانە شىعىس قازاقستان وبلىستارىنا تيەسىلى بولدى. سولتۇستىك قازاقستان وبلىسى 7,7 پايىز قانا سيىر ءسۇتىن وندىرگەن، - دەپ تولىقتىرادى ساراپشىلار.

وسى كەزەڭدە ءسۇت پەن كىلەگەي يمپورتى دا جىلىنا 28,7 پايىز ارتتى. ەلدە سيىردىڭ شيكى ءسۇتىن ءوندىرۋ ءبىر جىل ىشىندە 5,9 پايىزعا ازايدى. الماتى، سولتۇستىك قازاقستان جانە قوستاناي وبلىستارى الدا تۇر.