+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

انتاركتيكادان ۇلكەن ايسبەرگ ءبولىنىپ شىقتى

2 ناۋرىز 21:58
:ءبولىسۋ

نۇر-سۇلتان. قازاقپارات - عالىمدار مۇزدىڭ ەرۋى جىلدان جىلعا جىلدامداپ بارا جاتقانىن ايتىپ، دابىل قاعىپ جاتىر.

ب ۇ ۇ- نىڭ مۇزداردىڭ ەرۋى بويىنشا جاساعان ەسەبىنە سايكەس، 2005-جىلدان بەرى تەڭىز دەڭگەيى XX عاسىرعا قاراعاندا 2,5 ەسە تەز كوتەرىلىپ كەلەدى.

كليمات بويىنشا ب ۇ ۇ ساراپشىلار توبى ەگەر كومىرقىشقىل گازى وسى دەڭگەيدە (CO2) شىعارىلاتىن بولسا، مۇزدىڭ ەرۋى 2100-جىلعا قاراي ءتورت ەسە ارتاتىنىن ەسكەرتتى.

ولاردىڭ پىكىرىنشە، ەگەر عالامشارىمىز جاھاندىق جىلىنۋ دەڭگەيىن يندۋسترياعا دەيىنگى دەڭگەيدەن 2 گرادۋسقا جوعارى ۇستاپ تۇرسا، بۇل ءوسۋ كورسەتكىشىن تۇراقتاندىرۋى مۇمكىن. جالپى، ب ۇ ۇ ارنايى بايانداماسىنا سايكەس، تەڭىز دەڭگەيى سوڭعى 200 جىلدا 1 مەترگە كوتەرىلگەن.


اقپان ايىندا تاعىدا ايسبەرگ ۇلى بريتانيانىڭ Halley زەرتتەۋ ستانتسياسى ورنالاسقان برانت مۇزدىعىنان ءبولىندى. مۇزدىقتىڭ قالىڭدىعى 150 مەتر.

ونىڭ اۋماعى 1270 شارشى شاقىرىم. سالىستىرىپ ايتاتىن بولساق، ايسبەرگ الماتى قالاسىنان 2 ەسە ۇلكەن.

مۇزدىقتا 10 جىل بۇرىن ۇلكەن جارىقتار پايدا بولا باستاعان. قاڭتاردا ەڭ ۇلكەن جارىقشاقتاردىڭ كەڭەيۋى جەدەلدەگەن. ناتيجەسىندە 26- اقپاندا ايسبەرگ مۇزدان ءبولىنىپ شىقتى.

بۇل وقيعانىڭ ستانتسياعا قاۋىپ توندىرمەيتىنى ايتىلدى. ستانتسيا 2016-جىلى كونتينەنتتىڭ ىشكى بولىگىنە كوشىرىلگەن. اقپان ايىنىڭ ورتاسىندا قاۋىپسىزدىك ماقساتىندا 12 قىزمەتكەر ستانتسيانى تارك ەتكەن.

ايتا كەتەيىك، 2019-جىلى انتاركتيدادان كەيىنگى 50 جىل ىشىندە ەڭ ۇلكەن مۇزتاۋ ءبولىنىپ شىققان بولاتىن. ونىڭ سالماعى 315 ميلليارد توننا، اۋماعى 1636 كۆادراد شاقىرىم.

ونىڭ كولەمى شوتلانديانىڭ سكاي ارالىمەن تەڭ. مۇز تاۋعا D28 دەگەن ات بەرىلگەن.

massaget.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات