+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

بۇگىن قازاقستان بىرىككەن ۇلتتار ۇيىمىنا مۇشە بولعان اتاۋلى كۇن

2 ناۋرىز 12:45
:ءبولىسۋ
بۇگىن قازاقستان بىرىككەن ۇلتتار ۇيىمىنا مۇشە بولعان اتاۋلى كۇن

نۇر-سۇلتان. قازاقپارات - 1992 -جىلدىڭ 2-ناۋرىزى قازاقستان تاۋەلسىزدىگىن دۇنيەجۇزىلىك قوعامداستىق مويىنداعان ەل تاريحىنداعى ماڭىزدى وقيعاعا تولى كۇن.

29 جىل بۇرىن قازاقستان بىرىككەن ۇلتتار ۇيىمىنا 168- مۇشە- مەملەكەت اتاندى، دەپ حابارلايدى ق ر س ءى م باسپا ءسوز قىزمەتى.

1945 -جىلى قۇرىلعان ب ۇ ۇ 76 جىل وتسە دە بۇگىندە بالاماسىز امبەباپ جاھاندىق ۇيىم بولىپ قالا بەرەدى جانە بۇكىل ادامزاتتىڭ مۇددەسى مەن قاجەتتىلىگىنە ايانباي قىزمەت ەتىپ كەلەدى. تاۋەلسىزدىك العان كەزدەن بەرى قازاقستان ب ۇ ۇ- مەن تابىستى ەكىجاقتى ارىپتەستىك ورناتىپ، ۇيىم جارعىسىنىڭ ماقساتتارى مەن قاعيداتتارىن تولىق ۇستاناتىنىن كورسەتتى.

ب ۇ ۇ- مەن ءتيىمدى ىنتىماقتاستىقتىڭ قالىپتاسۋىنا جوعارى دەڭگەيدەگى كوپتەگەن بايلانىستار ىقپال ەتتى. 1992 -جىلدان بەرى قازاقستان رەسپۋبليكاسىنىڭ پرەزيدەنتى ۇيىمنىڭ نيۋ-يوركتەگى شتاب- پاتەرىنە 11 رەت بارىپ، باس اسسامبلەيانىڭ جوعارى دەڭگەيدەگى جالپى ساياسي دەباتتارىندا 9 رەت ءسوز سويلەدى.

ب ۇ ۇ باس حاتشىلارى كوفي اننان، پان گي مۋن جانە انتونيۋ گۋتتەريش ەلىمىزگە بىرنەشە رەت رەسمي ساپارمەن كەلدى. قر پرەزيدەنتى قاسىم- جومارت توقايەۆ 2011-2013 -جىلدارى ب ۇ ۇ باس حاتشىسىنىڭ ورىنباسارى - ب ۇ ۇ- نىڭ جەنەۆاداعى بولىمشەسىنىڭ باس ديرەكتورى قىزمەتىن اتقاردى.

ءار جىلدارى ب ۇ ۇ- نىڭ مىنبەرىنەن ەلباسى نۇرسۇلتان نازاربايەۆ پەن پرەزيدەنت قاسىم- جومارت توقايەۆ جاريالاعان قازاقستاننىڭ نەگىزگى حالىقارالىق باستامالارىنىڭ قاتارىنا ازياداعى ءوزارا ءىس- قيمىل جانە سەنىم شارالارى جونىندەگى كەڭەستى شاقىرۋ، ب ۇ ۇ- نىڭ ورتالىق ازيا ەكونوميكاسى ءۇشىن ارنايى باعدارلاماسىن قۇرۋ، 29-تامىزدى حالىقارالىق يادرولىق سىناقتارعا قارسى ءىس-قيمىل كۇنى دەپ جاريالاۋ، بيولوگيالىق قاۋىپسىزدىك جونىندەگى حالىقارالىق اگەنتتىكتى قۇرۋ جانە ت. ب جاتادى.


ۇيىمداعى مۇشەلىگىمىزدىڭ شارىقتاۋ شەگى - قازاقستاننىڭ 2017-2018 -جىلدار ارالىعىندا ورتالىق ازيادا ءبىرىنشى بولىپ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسىنە سايلانۋى بولدى. بەيبىتشىلىك پەن قاۋىپسىزدىكتى قامتاماسىز ەتەتىن نەگىزگى ورگانعا مۇشە بولۋ قازاقستاننىڭ حالىقارالىق قاۋىمداستىقتاعى بەلسەندى جانە جاۋاپتى سەرىكتەس رەتىندەگى بەدەلىن نىعايتۋعا مۇمكىندىك بەردى. قازاقستاننىڭ ب ۇ ۇ- مەن ەكىجاقتى قارىم-قاتىناسى تەك الەمدىك جانە ايماقتىق دەڭگەيمەن عانا شەكتەلمەي، ەلىمىزدە دە قارقىندى دامىپ كەلەدى. ق ر ۇكىمەتىنىڭ ب ۇ ۇ- مەن ىنتىماقتاستىعى 2021-2025 -جىلدارعا ارنالعان تۇراقتى دامۋ جونىندەگى ىنتىماقتاستىقتىڭ نەگىزدەمەلىك باعدارلاماسى شەڭبەرىندە جۇزەگە اسادى.

ول ءۇش باعىتتاعى جۇمىستى قامتيدى: ادامي دامۋ جانە تەڭ قاتىسۋ؛ ءتيىمدى ينستيتۋتتار، ادام قۇقىقتارى جانە گەندەرلىك تەڭدىك؛ تۇراقتى قورشاعان ورتا جانە ينكليۋزيۆتى ەكونوميكالىق دامۋ. قازىرگى ۋاقىتتا قازاقستاندا ۇيىم جۇيەسىنىڭ 23 قۇرىلىمى جۇمىس ىستەيدى. 2019 -جىلدىڭ 1 -مامىرىندا ق ر پرەزيدەنتىنىڭ قاتىسۋىمەن الماتىدا ب ۇ ۇ جۇيەسىنىڭ 16 ۇيىمى ورنالاسقان حالىقارالىق ۇيىمداردىڭ جاڭا عيماراتى اشىلدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات