09:46, 02 - ناۋرىز 2021 | GMT +6
گەرمانيادا عالىمدار اۆتوبۋستاعى اۋانى تازالايتىن سۇزگى ويلاپ تاپتى
نۇر-سۇلتان. قازاقپارات - گەرمانيانىڭ نوي- ۋلم قالاسىنداعى اۆتوپارك جولاۋشىلاردى كوروناۆيرۋستان قورعاۋدىڭ جولىن ويلاپ تاپتى.
كومپانيا وكىلدەرى قوعامدىق كولىكتەگى اۋانى تازالاپ تۇراتىن ارنايى قۇرىلعى قويماقشى. ۆيرۋستى جۇقتىرۋدان قورعايتىن سۇزگىشتىڭ اراسىندا جەمىس قىشقىلىنان تۇراتىن قابات بار. قۇرىلعىداعى بۇل ماتەريال كولىكتەگى اۋانى 99 پروتسەنت تازالايدى ەكەن. كومپانيا وسىلايشا ادامداردىڭ قوعامدىق كولىكتە قورىقپاي ساپارلاۋىن قايتا قالپىنا كەلتىرۋدى كوزدەپ وتىر.
يۋرگەن حيپپين، EVOBUS كومپانياسىنىڭ ينجەنەرى:
- اۆتوبۋستاعى اۋانىڭ الماسۋ جىلدامدىعى 2-4 مينۋت. بۇل قوعامدىق كولىكتەگى اۋا ەڭ كوپ دەگەندە 4 مينۋتتا تولىق تازارىپ وتىرادى دەگەندى بىلدىرەدى.
www.24.kz