ساۋد ارابياسى قاجىلىققا كەلۋشىلەردى كوروناۆيرۋسقا قارسى ەكپە العان جاعدايدا عانا قابىلدايدى

مۇنداي شەشىمدى ساۋد ارابياسى بيلىگى قابىلدادى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«قاجىلىققا قاتىسۋدىڭ باستى شارتى - جاڭا كوروناۆيرۋسقا قارسى ۆاكسينا سالدىرۋ»، - دەلىنگەن ەلدىڭ دەنساۋلىق ساقتاۋ ءمينيسترى تاۋفيك ار- رابيانىڭ مالىمدەمەسىندە. بيىل ۇلكەن قاجىلىق شىلدەنىڭ ەكىنشى جارتىسىنا ءدوپ كەلىپ وتىر. بىلتىر پاندەمياعا بايلانىستى قاجىلىق تەك 10 مىڭ ادامنىڭ قاتىسۋىمەن ءوتتى، ونىڭ %30 ى ساۋد ارابيالىقتار، %70 ى ەلدە تۇراتىن شەتەلدىكتەر. شەتەلدەن كەلگەن قاجىلار قاجىلىققا جىبەرىلمەدى. ارنايى رۇقساتتاردى بەرۋ كەزىندە باسىمدىق 20 دان 50 جاسقا دەيىنگى سوزىلمالى اۋرۋلارى جوق، جاڭا كوروناۆيرۋستى جۇقتىرماعان، بۇرىن قاجىلىق وتەمەگەن جانە كارانتين كەزەڭىنە توتەپ بەرۋگە دايىن ادامدارعا بەرىلدى. ولاردىڭ اراسىندا كوروناۆيرۋسپەن اۋىرىپ شىققان دارىگەرلەر دە بولدى. شەتەلدىك جۋرناليستەرگە شارانى جاريالاۋعا تىيىم سالىندى. وتكەن جىلدىڭ قاراشا ايىنان باستاپ ساۋد ارابياسى 50 جاسقا دەيىنگى قاجىلىققا كەلۋشىلەرگە پ ت ر سىناعى تەرىس بولعان جاعدايدا عانا كىشى قاجىلىققا كەلۋگە ەلگە بىرتىندەپ كىرگىزە باستادى.