نارىنقولدا اسىل تۇقىمدى مال باسى ارتىپ كەلەدى

سونىڭ ارقاسىندا اۋدانداعى زەڭگى بابا ءتولىنىڭ بەستەن ءبىر بولىگىنىڭ تۇقىمى اسىلداندىرىلعان.

ارداق ايبار ۇلى، ءتىلشى:

- نارىنقول وڭىرىندەگى بۇل شارۋاشىلىق 2018 -جىلى رەسەيدىڭ التاي وڭىرىنەن 235 باس گەرەفورد تۇقىمدى سيىر الىپ كەلدى. قازىر مۇنداعى مال باسى شامامەن 600 گە جەتىپ قالدى. قوجالىق باسشىلارى بۇل جەردەن 500 باسقا ارنالعان مال بورداقىلاۋ الاڭىن سالدى. ول جاز ايلارىندا ىسكە قوسىلادى. اسىل تۇقىمدى ءىرى قارا «سىباعا» باعدارلاماسىمەن الىنعان. ماقسات - ەتتى باعىتتاعى مال شارۋاشىلىعىن دامىتۋ. باستاپقىدا سييىرلاردى ءتىرى سالماعىمەن ساتسا، ەندى ەتتەي وتكىزۋگە بەتبۇرىس جاساپ وتىر.

نارىن نۇرباق، شارۋا قوجالىعىنىڭ باسشىسى:

- بورداقىلاۋ الاڭىن وسى جىلى ىسكە قوسامىز دەپ جوسپارلاپ وتىرمىز. ونى ىسكە قوسساق، تولىعىمەن ءوزىمىزدىڭ الىپ جاتقان ءتولىمىزدىڭ ءبارىن ءبىر جىل اينالدىرىپ، ەكىنشى جىلى بورداقىعا قويىپ، ەت جۇزىندە الماتى، الماتىنىڭ توڭىرەگىندەگى بازارلارعا، نارىققا شىعۋ جوسپارىمىز.

سۇلەيمەن باقىتجان، سيىرشى:

- جاقسى تولدەپ جاتىر. اقپاننىڭ اياعىنا دەيىن 100 گە جۋىقتاپ قالدى. جەم- ءشوپ، ءبارى جەتكىلىكتى. جالاقىمىز 150 مىڭنان تولەپ جاتىر. وسى جەردە 6 جۇمىسشى بارمىز. «سىباعا» باعدارلاماسى بويىنشا شەتەلدەن اسىل تۇقىمدى سيىر العان شارۋاشىلىقتار ەكى جىل سايىن بۇقا اۋىستىرۋعا مىندەتتەلەدى. ءبىر اپتا بۇرىن مۇندا قاراعاندى وبلىسىنان قازاقتىڭ اق باسىنىڭ 10 باس بۇقاشىعى اكەلىندى. برۋتسەللەزعا سىناما الىنعان مال قازىر كارانتيندە تۇر. ال اۋدان بويىنشا 160 باس اسىل تۇقىمدى بۇقا ساتىپ الىنعان.

نۇرلان ورالقۇلوۆ، رايىمبەك اۋداندىق اۋىل شارۋاشىلىعى ءبولىمىنىڭ باسشىسى:

- ءار بۇقاعا مەملەكەت تۇقىمدىق تۇرلەندىرۋ باعدارلاماسى بويىنشا 150 مىڭ تەڭگە سۋبسيديا بەرەدى. 2 جىل پايدالانامىز، 2 جىلدان سوڭ ەتكە وتكىزىلەدى. الىپ كەلگەن ءار باس بۇقاعا ۇكىمەت 150 مىڭ تەڭگە اقشاسىن قايتارىپ بەرەدى شارۋا قوجالىقتارعا. ءار بۇقاعا 25 باس انالىق باس بەكىتىلگەن. ءار باس انالىققا 10 مىڭ تەڭگەدەن ۇكىمەتتەن اقشالاي كومەك بەرىلەدى.

حان ءتاڭىرىنىڭ باۋرايىنداعى بۇل شارۋاشىلىق بولاشاقتا ەت- ءسۇت ونىمدەرىن وڭدەيتىن كاسىپورىن سالۋدى جوسپارلاپ وتىر. قاراساز اۋىلىندا جاز ايلارىندا 200 باسقا ارنالعان ءسۇت فەرماسى ىسكە قوسىلسا، سارىجازدا كۇنىنە 2,5 توننا ەت وڭدەيتىن كاسىپورىن سالىنا باستايدى. رايىمبەك اۋدانىنداعى ءىرى قارا سانى بۇگىندە 55 مىڭعا جەتتى. سونىڭ بەستەن ءبىر بولىگى اسىل تۇقىمدى زەڭگى بابا ءتولى.

www.24.kz