+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

فرانسيانىڭ بۇرىنعى پرەزيدەنتى نيكوليا ساركوزي ءۇش جىلعا باس بوستاندىعىنان ايىرىلدى

1 ناۋرىز 21:33
:ءبولىسۋ
فرانسيانىڭ بۇرىنعى پرەزيدەنتى نيكوليا ساركوزي ءۇش جىلعا باس بوستاندىعىنان ايىرىلدى

پاريج. قازاقپارات - فرانسيا سوتى ەلدىڭ بۇرىنعى پرەزيدەنتى نيكوليا ساركوزيدى سىبايلاس جەمقورلىققا جانە سۋدياعا پارا بەرۋگە ارەكەت جاساعانى ءۇشىن كىنالى دەپ تاپتى.

وعان ءۇش جىلعا باس بوستاندىعىنان ايىرۋ جازاسى كەسىلدى، ءبىراق ونىڭ ەكەۋىن شارتتى تۇردە وتەيتىن بولدى، دەپ حابارلايدى قازاقپارات BBC - گە سىلتەمە جاساپ.

ساركوزي ايىپتاۋلاردى جوققا شىعاردى جانە بۇل «ساياسي وپپونەنتتەردىڭ قۋدالاۋى» دەپ سانايدى. وسى ۋاقىتقا دەيىن فرانسيا پرەزيدەنتتەرىنىڭ بىرەۋى عانا وكىلەتتىگى اياقتالعاننان كەيىن ءبىر رەت سوتتالدى، ءبىراق ونىڭ وزىندە ول تۇرمەدە وتىرعان ەمەس. تەرگەۋشىلەر الدىمەن - 2007 جانە 2012 -جىلدارداعى ەكى سايلاۋ ناۋقانىن قارجىلاندىرۋدى مۇقيات تەكسەردى.

ساركوزيگە قارسى باسقا دا ايىپتار تاعىلدى، ولار: سىبايلاس جەمقورلىق جانە قىزمەت بابىن اسىرا پايدالانۋ. ايىپتاۋ ساركوزي مەن ونىڭ ادۆوكاتى تيەرري ەرزوگتىڭ تەلەفون ارقىلى سويلەسكەن جازبالارىنا نەگىزدەلگەن، ول ەكس- پرەزيدەنتپەن بىرگە ايىپتالدى. سوت ءىسىنىڭ تىزبەگى مۇنىمەن بىتپەيدى. جاڭا سوت پروتسەسى ناۋرىزعا جوسپارلانعان، وندا ساركوزي مەن ونىڭ 13 سەرىكتەسى 2012 -جىلعى سايلاۋ ناۋقانىن زاڭسىز قارجىلاندىردى دەگەن ايىپتاۋعا جاۋاپ بەرۋى كەرەك. ساركوزي الاياقتىققا قاتىسى بار دەپ كۇدىككە ىلىنۋدە، ول سايلاۋ ناۋقانى شىعىندارىن زاڭمەن بەلگىلەنگەن ليميتىنەن ەكى ەسە اسىرعان دەپ ايىپتالۋدا.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات