مەكتەپ فورماسىنا قاتىستى شەشىمدى اتا- انالاردىڭ وزدەرى قابىلدايتىن بولدى

None
None
نۇر- سۇلتان. قازاقپارات - وقۋشىلار مەكتەپكە وزدەرىنە ىڭعايلى كيىممەن كەلە الادى. بۇل كارانتيندىك شەكتەۋلەر جاعدايىندا اتا- انالار مەن وقۋشىلاردىڭ ىڭعايى ءۇشىن قابىلدانعان شەشىم.

قازاقستان مەكتەپتەرىنىڭ الەۋمەتتىك جەلىلەرىندە وقۋشىلاردىڭ وفلاين وقۋعا ورالۋىنا بايلانىستى وسىنداي حابارلاندىرۋلار جاريالانا باستادى، دەپ حابارلايدى قازاقپارات.

«قۇرمەتتى اتا- انالار! مەكتەپ فورماسىنا قاتىستى شەشىمدى وزدەرىڭىز قابىلدايسىزدار. بالالار مەكتەپكە مەكتەپ فورماسىمەن نەمەسە كلاسسيكالىق ستيلگە جاقىن وزىنە ىڭعايلى ءارى ۇقىپتى كيىممەن كەلە الادى. وقۋ جىلى باستالعانعا دەيىن ءبىلىم جانە عىلىم مينيسترلىگى بيىلعى وقۋ جىلىندا مەكتەپ فورماسىنا قاتىستى شەشىمدى اتا- انالارعا قابىلداۋعا مۇمكىندىك بەرەتىن بۇيرىققا قول قويعان بولاتىن. بۇل كارانتيندىك شەكتەۋلەر جاعدايىندا اتا- انالار مەن وقۋشىلاردىڭ ىڭعايى ءۇشىن قابىلدانعان شەشىم»، - دەلىنگەن الەۋمەتتىك جەلىدەگى حابارلامادا.


سوڭعى جاڭالىقتار