الماتىلىق وقۋشىلار جامبىل جابايەۆتىڭ كىتاپ كورمەسىن تاماشالادى

None
None
الماتى. قازاقپارات - الماتىدا ا. چەحوۆ اتىنداعى كىتاپحانادا جامبىل جابايەۆتىڭ 175 جىلدىعىنا ارنالعان «الاتاۋدىڭ اسقاق جىرشىسى» اتتى كىتاپ كورمەسى ۇيىمداستىرىلدى، دەپ حابارلايدى قازاقپارات ءتىلشىسى.

الماتى قالاسىنىڭ مەكتەپ وقۋشىلارى ۇلى اقىن، قازاقتىڭ اۋىزشا پوەتيكالىق ونەرىنىڭ شەبەرى جامبىل جابايەۆتىڭ كىتاپ كورمەسىمەن تانىستى. وندا اقىنىڭ ءومىرى مەن شىعارماشىلىعى، وتانعا دەگەن سۇيىسپەنشىلىككە تولى شىعارمالارى تۋرالى ماتەريالدار ۇسىنىلعان.

«بيىل ەلىمىزدە جامبىل جابايەۆتىڭ 175 جىلدىعى اتاپ وتىلەدى. بۇل يگى باستامانى ءبىزدىڭ كىتاپحانادا قولدايدى. جىر الىبى جامبىل جابايەۆقا ارنالعان ءتۇرلى ءىس- شارالار وتكىزەمىز. ءبىزدىڭ جاستار ءوز تاريحىن ءبىلۋى كەرەك دەپ سانايمىن»، - دەيدى كىتاپحانا قىزمەتكەرى.

جامبىل جابايەۆ 1846 -جىلى 28-اقپاندا جامبىل تاۋى ەتەگىندە (قازىرگى الماتى وبلىسىنىڭ جامبىل اۋدانى) دۇنيەگە كەلگەن. ەركىن جانە تەنتەك بولىپ وسكەن ول قوبىز بەن دومبىرا تارتۋدى اناسى ۇلداننان ۇيرەندى. تىم ەرتە ءوزىنىڭ پوەزياعا دەگەن قىزىعۋشىلىعىن سەزىندى. بالا كەزىنەن «قوبىلاندى»، «الپامىس» ەپوستارىنان، قىرعىزدىڭ «ماناس» ەپوسىنان، «رۇستەم تۋرالى اڭىز»، «كوروعلى» شىعارمالارىنان ۇزىندىلەر ورىندادى.

ج. جابايەۆ قازاق حالقى پوەتيكالىق ونەرىنىڭ دامۋىنا ۇلكەن ۇلەس قوستى، بۇكىل ءومىرىن جالپى ادامزاتتىق قۇندىلىقتار مەن جاقسىلىقتى، ادىلەتتىلىكتى دارىپتەۋگە جانە پاتريوتيزمدى تاربيەلەۋگە ارنادى.

اۆتور: الما مۇقانوۆا


سوڭعى جاڭالىقتار