ناۋرىز ايىندا ەل اۋماعىندا قانداي مادەني ءىس-شارالار ۇيىمداستىرىلادى

وسى ورايدا ناۋرىز ايى قازاقتىڭ ۇلتتىق مادەنيەتى مەن ءداستۇرىنىڭ ايى رەتىندە بەلگىلەنىپ وتىر.

«كەز كەلگەن حالىق ءۇشىن تاۋەلسىزدىك كۇنىنىڭ ورنى بولەك. بيىل 2021 -جىلى ەلىمىز تاۋەلسىزدىكتىڭ 30 جىلدىعىن اتاپ ءوتىپ جاتىر. وسىناۋ ۇلىق مەرەكەگە ارنالعان رەسپۋبليكالىق ءىس- شارالار جوسپارى بەكىتىلدى. سونىمەن قاتار مادەنيەت جانە سپورت مينيسترلىگى ءتۇرلى 500-گە جۋىق ءىس- شارادان تۇراتىن قوسىمشا جوسپار ازىرلەدى. بۇل قاتاردا تەاترلاندىرىلعان قايىلىم، فەستيۆال، كورمە، لەكسيا، عىلىمي كونفەرەنسيا، شەبەرلىك ساباعى، ارنايى ونلاين پلاتفورما، چەللەندج، اكسيا، فلەش- موب سىندى كوپتەگەن ءىس-شارا بار»، - دەلىنگەن ۆەدومستۆو مالىمەتىندە.

اتالعان ءىس- شارالار ۇلتتىق مادەنيەتتى ىلگەرىلەتۋگە، سالت- داستۇرلەردى جانداندىرۋعا، سالاۋاتتى ءومىر سالتىن ناسيحاتتاۋعا، بۇقارالىق سپورتتى، سونىڭ ىشىندە ۇلتتىق سپورت تۇرلەرىن دامىتۋعا باعىتتالعان.

جالپىرەسپۋبليكالىق سپورت بويىنشا ناۋرىز «قازاقتىڭ ۇلتتىق مادەنيەتى مەن ءداستۇر» ايى رەتىندە بەلگىلەندى. وسى ايدا مەرەيتويدىڭ مازمۇنىن بايىتۋعا ارنالعان مادەني ءىس-شارالار وتەدى. جالپى العاندا ناۋرىز ايىندا بىرنەشە اتاۋلى مەرەكە قاتار تۇر. ماسەلەن، ايدىڭ العاشقى كۇنى - العىس ايتۋ كۇنى، 8-ناۋرىز - حالىقارالىق ايەلدەر مەن قىز- كەلىنشەكتەر مەرەكەسى، 22-ناۋرىز - تۇركى حالىقتارىنىڭ جاڭا جىلى. ياعني، ءتۇرلى ءىس- شارالار ناۋرىزدىڭ العاشقى كۇنىنەن باستاپ، سوڭىنان دەيىن جالعاسادى.

1-ناۋرىزدا ەل بويىنشا 250 گە جۋىق ارنايى جوبا وتەدى. ونىڭ 60 تان استامى رەسپۋبليكالىق ۇيىمدار ەنشىسىندە.

مىسالى، «استانا بالەت» مەملەكەتتىك وپەرا جانە بالەت تەاترى دارىگەرلەردى «تاينى زاكۋليسيا» جوباسىنا شاقىرسا، «قازاقكونسەرت» ۇجىمى مۇعالىمدەر مەن دارىگەرلەرگە «مەيىرىمدى بولايىقشى، باۋىرلار!» كونسەرتىن، عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى مۇعالىمدەردى «مۇعالىم» قويىلىمىن، ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى دارىگەرلەر، مۇعالىمدەر مەن ەكولوگتارعا ارنالعان مۋزىكالىق كەش ۇسىنادى.

وسى رەتتە ءتۇرلى ەتنوس وكىلدەرىنىڭ قاتىسۋىمەن «العىس ايتۋ - پارىزىم» اتتى چەللەندج بەن «س بلاگودارنوستيۋ مەدرابوتنيكام ي ۋچيتەليام!» اكسياسى باستالعالى تۇر.

سونىمەن قاتار «سىرلى ساز - وتانعا» اتتى رەسپۋبليكالىق ونەر كەرۋەنى، م. يۋ. لەرمونتوۆ اتىنداعى مەملەكەتتىك اكادەميالىق ورىس دراما تەاترى «ۆەرنايا جەنا» سپەكتاكلى، ق ر ۇلتتىق كىتاپحاناسى № 1-بالالار ءۇيىن قولداۋ ماقساتىندا «ايالى الاقان» قايىرىمدىلىق اكسياسى، «بوزوق» مەملەكەتتىك تاريحي- مادەني مۋزەي- قورىعى قازاقستان حالقى اسسامبلەياسى وكىلدەرىنىڭ قاتىسۋىمەن «وتانىم بولعان قازاق جەرىنە العىس ايتامىن!» دوڭگەلەك ۇستەلى وتەدى.

حالىقارالىق ايەلدەر كۇنىنە وراي ءبىرقاتار قايىرىمدىلىق كونسەرت وتەدى. ولار: «تاۋەلسىزدىك قۇرداستارى»، «اقبىلەك» قويىلىمىنىڭ پرەمەراسى، «بەينەلەۋ ونەرى شىعارمالارىندا ايەل وبرازى» كورمەسى، ش. ايمانوۆ اتىنداعى «قازاقفيلم» قورىنداعى ۇلتتىق فيلمدەر كورسەتىلىمى، «ادەبيەتتەگى ايەل جازۋشىلار» دوڭگەلەك ۇستەلى وتىرىسى، سونداي-اق تەترلارداعى ءتۇرلدى قويىلىمدار.

14-مامىر «كورىسۋ كۇنى» قارساڭىندا ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكا دراما تەاترى ۇجىم ارداگەرلەرىمەن كەزدەسۋ، «بوزوق» مەملەكەتتىك تاريحي- مادەني مۋزەي- قورىعى «امال- كورىسۋ مەرەكەسى قازاقستاننىڭ ەجەلگى گەوگرافياسى مەن قازىرگى مادەنيەتى اياسىندا» اتتى ءدارىس، م. اۋەزوۆ اتىنداعى قازاق ۇلتتىق دراما تەاترى «ءجۇز جىلدىق ماحاببات»، «وڭ قول» دراماسىنىڭ كورسەتىلىمىن، عازيزا جۇبانوۆا اتىنداعى اقتوبە وبلىسىنىڭ فيلارمونياسى «كورىسەيىك اعايىن!» كونسەرتىن، اسقار توقپانوۆ اتىنداعى جامبىل وبلىسىنىڭ قازاق دراما تەاترى «كورىسۋ ءداستۇرى» سپەكتاكلىن ۇيىمداستىرادى.

كۇللى تۇركى حالقى ءۇشىن جاڭارۋدىڭ سيمۆولىنا اينالعان ناۋرىز مەرەكەسى قارساڭىندا 21 مەن 23 -ناۋرىز ارالىعىندا ەلىمىزدە 500 دەي ءىس- شارا وتەدى. بۇل جيىندار ۇلتتىق سالت- داستۇرلەردى جاڭعىرتۋعا، ەكولوگيا مادەنيەتىن قالىپتاستىرۋعا، حالىق اراسىنداعى دوستىق بايلانىستى نىعايتۋعا وڭ ىقپال ەتەدى. وسى ءىس-شارانىڭ ءبارى «ءاز ناۋرىز - ۇلتتىق سانانىڭ، ۇلتتىق بىرلىكتىڭ جارقىن كورىنىسى»، - دەگەن ۇرانمەن وتەدى.

مىسالى، ۇلتتىق تاعام تۇرلەرىنىڭ جارمەڭكەسى، ولكەتانۋ ەكسكۋرسيا، كونسەرت، ەتنوكورمە، تەاترلاندىرىلعان قويىلىمدار قامتىلماق.

بۇل ءىس- شالار جايىندا مادەنيەت جانە سپورت مينيسترلىگى سايتىندا تولىعىراق تانىسۋعا بولادى.

اۆتور: رۋسلان عابباسوۆ