اۋىل بالاسىنا نازاربايەۆ مەكتەبىنە تۇسۋگە مۇمكىندىك بار

وتىرىسقا ءبىلىم سالاسىنىڭ بىلىكتى ماماندارى قاتىسىپ، كەڭەس قىزمەتى مەن مەكتەپتىڭ اتالعان سالاداعى جەتىستىكتەرى جانە باسىم باعىتتارى تالقىلاندى.

جيىن بارىسىندا جالپى الاڭى 800 شارشى مەتر «NIS engineering LAB» اشىق سيفرلىق تەحنولوگيا زەرتحاناسىنىڭ مەكتەپ اۋماعىنداعى بولاشاق قۇرىلىسى تالقىلاندى. NIS- ءتىڭ جاڭا جوباسى بولاشاقتا قالانىڭ بارلىق جالپى ءبىلىم بەرەتىن مەكتەپتەردىڭ شاكىرتتەرى ءۇشىن دە IT- ستارتاپتار مەن عىلىمي- زەرتتەۋ قىزمەتىن دامىتۋعا ارنالعان Hub-الاڭىنا اينالۋى ءتيىس.

زياتكەرلىك ءبىلىم ورداسى وتكىزەتىن ۆەبينارلار، سەمينارلار مەن شەبەرلىك سىنىپتارعا ءوڭىردىڭ مىڭنان استام پەداگوگى قاتىسادى.

سونداي- اق، ن ز م- گە وقۋعا ءتۇسۋ ءۇشىن كونكۋرستىق ىرىكتەۋگە قاتىسۋعا وقۋشىلاردى بەلسەندى تارتۋ تۋرالى ماسەلە دە كوتەرىلدى. قامقورلىق كەڭەسىنىڭ مۇشەلەرى ن ز م- گە ءتۇسۋ ەمتيحاندارىن الىس اۋداندارداعى وقۋشىلاردى جان- جاقتى دايىنداۋ ءۇشىن مۇمكىندىك بەرەتىن الگوريتمدى تالقىلادى. ياعني، شالعاي اۋىل وقۋشىلارى دا وسى جەردە ءبىلىم الاتىن مۇمكىندىككە يە بولاتىن بولدى.

مەكتەپتىڭ قامقورلىق كەڭەسىنىڭ كەلەسى وتىرىسى 2021 -جىلى ساۋىردە بولادى.

اۆتور: گۇلميرا عوسمانالي