ەلوردا اۋەجايى مۇگەدەكتىگى بايقالا بەرمەيتىن جولاۋشىلارعا قىزمەت كورسەتەدى

نۇرسۇلتان نازاربايەۆ حالىقارالىق اۋەجايى اۋتيستىك سپەكترى بۇزىلعان جانە مەنتالدى اۋىتقۋى بار جولاۋشىلارعا قىزمەت كورسەتۋ بويىنشا دامىعان ەلدەردىڭ وزىق تاجىريبەسىن ەنگىزدى. ق ر يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياتسيا كوميتەتى، قازاقستاننىڭ اۆياتسيالىق اكىمشىلىگى، نۇرسۇلتان نازاربايەۆ حالىقارالىق اۋەجايى، Autism Kazakhstan ۇلتتىق قاۋىمداستىعى ءوزارا بىرلەسىپ جولاۋشىنى، باگاجدى جانە جۇكتى اۋە كولىگىمەن تاسىمالداۋ قاعيداسىنا وزگەرىس ەنگىزدى.

«جوبانىڭ باستى ماقساتى - ەرەكشە قاجەتتىلىگى بار جولاۋشىلار ءۇشىن ۇشۋ ساپارىن بارىنشا جايلى ەتۋ. وسىلايشا، نۇرسۇلتان نازاربايەۆ حالىقارالىق اۋەجايىندا اۋتيزم، دەمەنتسيا، السگەيمەر اۋرۋى جانە باسقا دا مەنتالدىق بۇزىلۋ سەكىلدى مۇگەدەكتىگى كورىنبەيتىن جولاۋشىلار ءۇشىن جاعداي جاسالعان. مۇگەدەكتىكتىڭ بۇل ءتۇرى بار ادامنىڭ دەنساۋلىعىندا قانداي دا ءبىر شەكتەۋدىڭ بارى بايقالمايدى، ءبىراق مۇنداي جولاۋشى اۋەجاي قىزمەتكەرىنىڭ قوسىمشا كومەگىن قاجەت ەتەدى»، دەلىنگەن حابارلامادا.

ءتيىستى كۋالىگى بولعان جاعدايدا وسىنداي جولاۋشىعا باسىم تارتىپپەن قىزمەت كورسەتىلەدى. وعان اۋەجايدا جاسىرىن مۇگەدەكتىكتىڭ حالىقارالىق بەلگىسى - سارى كۇنباعىس ۇلگىسى بار ءتيىستى لانياردتار (لەنتا) بەرىلەدى. ول ءۇشىن اۆيابيلەتتە كورسەتىلگەن ۇشىپ شىعۋ ۋاقىتىنان 48 ساعات بۇرىن قىزمەت كورسەتۋگە ءوتىنىم بەرۋ قاجەت.

«لانيارد اۆياتسيالىق قاۋىپسىزدىك، تىركەۋ، سونداي-اق اۋەجايدا شەكارا جانە كەدەن قىزمەتكەرلەرىنە كورىنبەيتىن مۇگەدەكتىگى بار جولاۋشىلاردى سايكەستەندىرۋگە مۇمكىندىك بەرەدى (ولاردى الىپ ءجۇرۋ جانە راسىمدەردى باسىم تارتىپپەن ءوتۋ ءۇشىن).

اۋەجايعا كەلگەننەن كەيىن اۋتيستىك سپەكترى بۇزىلعان جولاۋشىنىڭ الىپ جۇرەتىن ادامى ارنايى لانيارد الۋ ءۇشىن انىقتاما بيۋروسىنا جۇگىنە الادى. قاجەت بولعان جاعدايدا جولاۋشى اەروۆوكزالدا جانە ۇشاققا دەيىن ءجۇرىپ- تۇرۋعا مۇگەدەك ارباسىن، سونداي-اق انا مەن بالا بولمەسىن پايدالانا الادى»، دەلىنگەن حابارلامادا.