قازاقستاندا اۆياتسيا سالاسىندا ەلەكتروندى قۇجاتقا كوشۋ ءۇشىن جاڭا جۇيە ەنگىزىلىپ جاتىر

قازاقستاننىڭ اۆياتسيالىق اكىمشىلىگىندە «E - Freight» قازاقستان كولىگىن سيفرلاندىرۋ سالاسىنداعى مەملەكەتتىك-جەكەشەلىك ارىپتەستىكتىڭ العاشقى جوباسىنداعى ماسەلەلەرگە قاتىستى ۆەبينار ءوتتى. «E - Freight اقپاراتتىق جۇيەسى قازىرگى ۋاقىتتا بار قاعاز قۇجاتتاردى اۋە كولىگىمەن جۇكتەردى تاسىمالداۋدى دايىنداۋ، رەسىمدەۋ جانە ورىنداۋ كەزىندە ءتيىستى ەلەكتروندىق قۇجاتتار مەن حابارلامالارعا اۋىستىرۋعا ارنالعان. جوبانى ىسكە اسىرۋ جۇك اۆياتاسىمالدارى بويىنشا قۇجاتتامانى رەسىمدەۋ تيىمدىلىگىن ارتتىرۋعا، جۇك وپەراتسيالارىن وڭدەۋ مەرزىمدەرىن قىسقارتۋعا جانە جۇك اۆياتاسىمالدارى مەن قازاقستان رەسپۋبليكاسىنىڭ اۋماعى ارقىلى ءترانزيتتىڭ تارتىمدىلىعىن ارتتىرۋعا مۇمكىندىك بەرەدى»، دەلىنگەن حابارلامادا.

ۆەبيناردا وتكەن جىلدىڭ قورىتىندىسى شىعارىلدى. وسىلايشا، 2020-جىلى جۇيەدە 84738 ەلەكتروندىق اۋە جەلىسى وڭدەلدى، 17 اۋە كومپانيا مەن 15 اۋەجاي قوسىلدى، جۇيەنىڭ جاڭا فۋنكتسيونالىن قوسۋ جانە قولدانىستاعى فۋنكتسيونالىن جاڭارتۋ بويىنشا جۇمىس جۇرگىزىلدى. قازىرگى ۋاقىتتا اۋىل شارۋاشىلىعى مينيسترلىگىنىڭ «Agriculture « اقپاراتتىق جۇيەسىمەن ينتەگراتسيالاۋ اياقتالىپ كەلەدى، بۇل قاراپايىم جۇكتەر ءۇشىن ىشكى تاسىمالداۋ بويىنشا اۋە قويمالارىنان باس تارتۋ، سانيتاريالىق-كارانتين قىزمەتتەرىنەن ەلەكتروندى رۇقسات، ەلەكتروندى كارانتين انىقتاماسى (سەرتيفيكات) الۋعا مۇمكىندىك بەرەدى.

سونداي-اق، اۋە كومپانيالاردىڭ قاعاز تاسىمالداۋدان باس تارتۋ مۇمكىندىگىمەن حالىقارالىق جۇك تاسىمالدارى بويىنشا ەلەكتروندىق اۆياجولاعىشتى ەنگىزۋ ءۇشىن ق ر قارجى مينيسترلىگى مەملەكەتتىك كىرىستەر كوميتەتىنىڭ «استانا-1» اقپاراتتىق جۇيەسىمەن ينتەگراتسيانىڭ 1-كەزەڭى اياقتالدى.

ي ي د م ازاماتتىق اۆياتسيا كوميتەتى قازاقستاننىڭ قولدانىستاعى زاڭدارىنا سايكەس، سونداي-اق ي ك ا و ستاندارتتارى مەن ۇسىنىلاتىن پراكتيكاسىن ەسكەرە وتىرىپ، قۇجاتتار مەن پروتسەستەردى ەلەكتروندىق فورماتقا كوشىرۋگە قولايلى جاعداي جاساۋ ءۇشىن زاڭنامانى جەتىلدىرۋ بويىنشا جۇمىس جۇرگىزىپ كەلەدى. اۆياتسيالىق اكىمشىلىگى تاراپىنان تۇراقتى نەگىزدە «E -Freight» اقپاراتتىق جۇيەسىنە قاتىسۋشىلاردىڭ جۇمىسىنا مونيتورينگ جۇزەگە اسىرىلادى.

اۋە كومپانيالار مەن اۋەجايلار تاجىريبەلەرىمەن ءبولىپ، ەسكەرتۋ، ۇسىنىس جانە جۇمىستاعى قاتەلىك مەن كەمشىلىكتى جويۋ بويىنشا مىندەتتەردى بىرلەسىپ شەشۋدە. «2021-جىلعا «E -Freight« اقپاراتتىق جۇيەسىن دامىتۋ بويىنشا ءبىرقاتار مىندەتتەر قويىلدى.

اتاپ ايتقاندا، 2021-جىلعى 1-توقساندا اۋىل شارۋاشىلىعى مينيسترلىگىنىڭ «Agriculture « اقپاراتتىق جۇيەسىمەن ينتەگراتسيانى اياقتاۋ جانە ىشكى جۇك-اۆياتاسىمالدار بويىنشا قاعازداردان ەلەكتروندىق جۇكقۇجاتتارعا كوشۋ، اۋە كومپانيالاردىڭ قاعازداردان باس تارتۋ مۇمكىندىگىمەن حالىقارالىق جۇك تاسىمالدارى بويىنشا ەلەكتروندىق قۇجاتتى ەنگىزۋ ءۇشىن «استانا-1« قارجى مينيسترلىگى مەملەكەتتىك كىرىستەر كوميتەتىنىڭ اقپاراتتىق جۇيەسىمەن ينتەگراتسيانىڭ 2-كەزەڭىن اياقتاۋ، ءبىرقاتار نەگىزگى فۋنكتسيالاردى ەنگىزۋ جانە جۇيەنىڭ فۋنكتسيونالدىق مۇمكىندىكتەرىن كەڭەيتۋ ءۇشىن بىرنەشە مودۋل قوسۋ»، دەلىنگەن حابارلامادا.

كەڭەسكە ق ر ي ي د م ازاماتتىق اۆياتسيا كوميتەتىنىڭ وكىلدەرى، قازاقستاندىق اۋەجايلاردىڭ تاسىمالداۋ جانە اۆياتسيالىق قاۋىپسىزدىك قىزمەتتەرىنىڭ باسشىلارى، «Air Astana»، «Scat» اۋە كومپانيالارىنىڭ وكىلدەرى، سونداي-اق «TransInfoTech» ج ش س جوباسىنىڭ جەكە سەرىكتەسى قاتىستى.