قازاقستان كوروناۆيرۋسقا قارسى قىتاي ۆاكسيناسىن ساتىپ الا ما: مينيسترلىك جاۋابى

None
None
نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى سانيتاريالىق- ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ قازاقستان ۇكىمەتى كوروناۆيرۋسقا قارسى ۆاكسيناتسيا جۇرگىزۋ ءۇشىن قىتايلىق پرەپارات ساتىپ الاتىنى تۋرالى اقپاراتقا تۇسىنىك بەردى، دەپ حابارلايدى قازاقپارات ءتىلشىسى.

«قازاقستان ۇكىمەتى كوروناۆيرۋس ينفەكسياسىنا قارسى ەشقانداي دا قىتاي ۆاكسيناسىن ساتىپ المادى جانە جوسپارلاپ تا وتىرعان جوق. قۇرمەتتى ازاماتتار! سىزدەردەن الەۋمەتتىك جەلىلەردەگى جالعان اقپاراتتارعا ەرمەۋدى جانە تەك رەسمي اقپارات كوزدەرىنە سەنۋدى وتىنەمىن. ەستەرىڭىزگە سالا كەتەيىك، قاساقانا جالعان اقپارات تاراتۋ ق ر ق ك 274-بابىنا سايكەس قىلمىستىق جاۋاپكەرشىلىككە اكەپ سوعادى»، - دەدى ەرجان بايتانايەۆ.

ونىڭ اتاپ وتۋىنشە، قازاقستاندا 2021 -جىلعى 1-اقپاننان باستاپ رەسەيدە شىعارىلعان گام- كوۆيد- ۆاك («سپۋتنيك V» ) ۆاكسيناسىن پايدالانا وتىرىپ، ك ۆ ي- عا قارسى ۆاكسيناتسيا باستالادى. ودان ءارى ۆاكسينالاۋ پروتسەسىنە قاراعاندى فارماتسيەۆتيكالىق كەشەنىنىڭ بازاسىندا وندىرىلگەن گام- كوۆيد- ۆاك ۆاكسيناسى قوسىلادى. 2021 -جىلدىڭ 2-توقسانىنان باستاپ ۆاكسينالاۋ پروتسەسىنە وتاندىق - QazCovid-In پرەپاراتىن قوسۋ جوسپارلانىپ وتىر. بۇل ۆاكسينا قازىرگى ۋاقىتتا كلينيكالىق سىناقتىڭ 3-كەزەڭىنەن وتۋدە. گام- كوۆيد- ۆاك ۆاكتسيناسى رەسەي فەدەراتسياسىندا مەملەكەتتىك تىركەۋدەن وتكەن جانە بىرنەشە اي بويى حالىقتىڭ وسال توپتارىن يممۋنداۋ ءۇشىن قولدانىلىپ كەلەدى. رەسەي فەدەراتسياسىنىڭ تىكەلەي ينۆەستيتسيالار قورىنىڭ مالىمەتتەرى بويىنشا، بۇل ۆاكتسينانى ساتىپ الۋعا 50-گە جۋىق مەملەكەت ءوتىنىش بەرگەن.

«قولدانىستاعى زاڭنامالارعا سايكەس، قازاقستان رەسپۋبليكاسىنىڭ اۋماعىنا تىركەلمەگەن دارىلىك زاتتاردى اكەلۋ كەزىندە دارىلىك زاتتىڭ ساپاسىن راستايتىن ءوندىرۋشىنىڭ قازاق نەمەسە ورىس تىلدەرىنە اۋدارماسى بار قۇجاتىنىڭ ەلەكتروندىق كوشىرمەسى بولۋى قاجەت (تالداۋ سەرتيفيكاتتارى نەمەسە سىناق ەسەبى نەمەسە ساپانى باعالاۋ كورسەتكىشتەرى بار ساپا پاسپورتى). قازىرگى ۋاقىتتا قازاقستان رەسپۋبليكاسى ۇكىمەتىنىڭ 2020 -جىلعى 15-جەلتوقسانداعى №850 قاۋلىسىمەن قازاقستان رەسپۋبليكاسىندا وندىرىلگەن COVID-19 كوروناۆيرۋسىنا قارسى ۆاكسينالاردى ۋاقىتشا مەملەكەتتىك تىركەۋ ەرەجەلەرى بەكىتىلدى»، - دەدى كوميتەتتىڭ رەسمي وكىلى.


سوڭعى جاڭالىقتار