20:53, 27 - قاڭتار 2021 | GMT +6
ق ر س ءى م نيدەرلاندىعا ۇشاتىن قازاقستان ازاماتتارىنا اقپارات تاراتتى
نۇر- سۇلتان. قازاقپارات - نيدەرلاندىنىڭ قازاقستانداعى ەلشىلىگىنەن تۇسكەن اقپاراتقا سايكەس، كوروناۆيرۋس پاندەمياسىنا بايلانىستى 2021 -جىلعى 23-قاڭتاردان باستاپ اتالمىش ەلگە كىرۋدىڭ باقىلاۋ شارالارى كۇشەيتىلدى.
«اتاپ ايتقاندا، سول ەلگە كەلگەندەردىڭ بارلىعى نيدەرلاندىعا كىرەردەن 72 ساعات بۇرىن تاپسىرىلعان COVID-19 پ ت ر- تەستىنىڭ تەرىس ناتيجەسى بار انىقتامانى، سونداي- اق COVID-19 ەكسپرەسس- تەستىنىڭ تەرىس ناتيجەسىن («انتيگەن ەكسپرەسس- تەست» دەپ اتالادى) كورسەتۋى كەرەك. بۇل تالاپتار ترانزيتتىك جولاۋشىلارعا دا قاتىستى. COVID-19 ەكسپرەسس تەستىن نۇر- سۇلتان جانە الماتى قالالارىنداعى حالىقارالىق اۋەجايلاردا ورنالاسقان زەرتحانالاردا تاپسىرۋعا بولادى. وسى ماسەلە بويىنشا اقپارات الۋ ءۇشىن ءتيىستى اۋەجايدىڭ اقپاراتتىق قىزمەتىنە حابارلاسۋ قاجەت»، - دەدى مينيسترلىكتەن.