ۆيتسە- مينيستر ۆاكسينا سالىنار الدىندا قانداي تەكسەرۋلەر بولاتىندىعىن ايتتى

بۇل تۋرالى بۇگىن و ك ق- دا وتكەن باسپا ءسوز ءماسليحاتىندا دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ مالىمدەدى، دەپ حابارلايدى قازاقپارات ءتىلشىسى.

ونىڭ ايتۋىنشا، ءبىرىنشى كەزەكتە مەديتسينا قىزمەتكەرلەرى، اسىرەسە جۇقپالى اۋرۋلار اۋرۋحانالارىنىڭ، جەدەل مەديتسينالىق جاردەمنىڭ، سونداي - اق باسقا دا بەيىندەگى قىزمەتكەرلەر؛ ەكىنشى كەزەڭدە پەداگوگتار مەن كۇش قۇرىلىمدارىنىڭ قىزمەتكەرلەرى ناۋرىز ايىندا؛ ءۇشىنشى كەزەڭدە، ستۋدەنتتەر ساۋىردەن باستاسا، مامىر ايىندا ۆاكسينا كولەمىنىڭ جەتكىلىكتى بولۋىنا قاراي حالىقتىڭ قالعان كونتينگەنتى قامتىلادى.

ايتا كەتۋ كەرەك، ۆاكسيناتسيا 18 جاسقا تولماعان بالالارعا سالىنبايدى. ك ۆ ي- عا قارسى ۆاكتسيناتسيالاۋ 6 ميلليون ادامدى قامتي وتىرىپ، وسى جىلدىڭ سوڭىنا دەيىن جالعاسادى دەپ جوسپارلانۋدا. سونىمەن قاتار، ءبىرىنشى ۆيتسە- ءمينيستردىڭ ايتۋىنشا، ۆاكسيناتسيالاۋعا پروفيلاكتيكالىق ەگۋگە قارسى كورسەتىلىمدەرى جوق ادامدار جىبەرىلەدى.

«ۆاكسيناتسيا جۇرگىزەر الدىندا دەنە تەمپەراتۋراسى ولشەنەدى، ەپيدەميولوگيالىق انامنەزدى جيناۋ، ساتۋراتسيانى، جۇرەك جيىرىلۋىنىڭ جيىلىگىن، ارتەريالىق قىسىمدى ولشەۋ، تىنىس الۋ جانە جۇرەك- قانتامىر جۇيەسىن اۋسكۋلتاتسيالاۋ جانە جۇتقىنشاقتى تەكسەرۋ شارالارى جاسالادى. ەگەر تەمپەراتۋرا °C 37 - تان اسسا، ۆاكسيناتسيا كەيىنگە قالدىرىلادى»، - دەيدى مارات شورانوۆ.

«ۆاكسيناتسيا ەكى كەزەڭنەن تۇرادى. العاشقى كەزەڭدە 0,5 م ل مولشەرىندە سالىنادى. وسىدان كەيىن ەكىنشى كەزەڭدە 21 كۇننەن سوڭ 0,5 م ل مولشەرىندە ەكىنشى كومپونەنت سالىنادى. ۆاكسينا بۇلشىق ەتتىڭ ىشىنە جىبەرۋ ارقىلى عانا ەگىلەتىنىن اتاپ ءوتۋ كەرەك. ونى بۇلشىق ەتكە سالادى. يىقتىڭ سىرتقى بولىگىنە ەگەدى. ۆاكسيناتسيانى سالماس بۇرىن ۆاكسينا فلاكونى بولمە تەمپەراتۋراسىندا ساقتالۋى كەرەك. 0,5 م ل دوزانى الاتىن ءبىررەتتىك شپريتس قولدانىلادى. جىلىتىلعان فلاكوننان 3 م ل- عا دەيىن دوزانى الۋعا بولادى. ياعني ءبىر فلاكون 5 ادامعا دەيىن جەتەدى»، - دەدى مارات شورانوۆ و ك ق- دا وتكەن باسپا ءسوز ءماسليحاتىندا.

اۆتور: ايان بەكەن ۇلى