الماتى مەكتەپتەرى جىل سوڭىنا دەيىن بەينەكامەرالارمەن تولىق قامتىلادى

None
None
الماتى. قازاقپارات - الماتى مەكتەپتەرى جىل سوڭىنا دەيىن بەينەكامەرالارمەن قامتىلاتىن بولدى.

بۇل تۋرالى الماتى قالاسى ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى گۇلنار ەرمەكبايەۆا ونلاين بريفينگ بارىسىندا ايتتى، دەپ حابارلايدى قازاقپارات ءتىلشىسى.

سپيكەردىڭ ايتۋىنشا، 2021 -جىلدىڭ قاڭتارىنان «ءبىلىم بەرۋ جۇيەسىن تەكسەرۋ بارىسىندا تەكسەرۋ پاراقتارى مەن ءقاۋىپ دارەجەسىن باعالاۋ كريتەريالارىن بەكىتۋ» تۋرالى زاڭ كۇشىنە ەندى. قۇجاتتا ءبىلىم بەرۋ ۇيىمدارىندا بەينەكامەرالاردىڭ بولماۋىنا بايلانىستى جاۋاپكەرشىلىك قاراستىرىلعان.

«بەينەباقىلاۋدىڭ بولماۋى ورەسكەل ەرەجە بۇزۋشىلىققا جاتادى. قازىرگى تاڭدا قالالىق ءبىلىم باسقارماسىنىڭ حابارلاۋىنشا، 207 جالپى ءبىلىم بەرەتىن مەكتەپ پەن 15 ينتەرناتتى كەشەندى باقىلاۋ جۇيەسىمەن قامتۋ جوباسى جۇزەگە اسىرىلۋدا. تەحنيكالىق مىندەتتەر بويىنشا جۇمىس جاسالىپ، ق ر سيفرلىق دامۋ، يننوۆاتسيا جانە اەروعارىش ونەركاسىبى مينيسترلىگىنە تالقىلاۋعا جىبەرىلدى»، - دەدى ول.

ونىڭ ايتۋىنشا، تەحنيكالىق تاپسىرىس ناتيجەسىندە تسيفرلاندىرۋ باسقارماسى جوبانى جۇزەگە اسىرۋعا جۇمسالاتىن قاراجاتتى ەسەپتەيدى.

«باسقارما بەرگەن اقپاراتقا سايكەس، الماتىدا 11221 كامەرا مەن تاسا ايماقتارعا 4990 كامەرا كەرەك ەكەن. مەكتەپتەردە قازىردىڭ وزىندە 7430 كامەرا بار»، - دەدى ول. گۇلنار ەرمەكباۆا جوبانىڭ بيىل جۇزەگە اساتىنىن ايتتى.

«بيىل بەينەكامەرالار تۇگەل ورناتىلۋى ءتيىس. سەبەبى، ءبىرىنشى كەزەكتە بۇل بالالاردىڭ قاۋىپسىزدىگى جانە مەكتەپتەردىڭ اتتەستاتسياسى»، - دەدى باسقارما وكىلى.


سوڭعى جاڭالىقتار