كوروناۆيرۋس جۇقتىرۋ جاعدايلارى كوبىنەسە الدىن الۋ شارالارىن ەلەمەۋدەن - دارىگەر

«بىرىنشىدەن، بەتپەردە كيىپ، ادامدار كوپ جينالاتىن ورىندارعا بارماۋ، قولعا قولعاپ كيۋ مىندەتتى. ۇيگە كەلگەننەن كەيىن قولدى جۋۋ كەرەك. ادامدارمەن كەزدەسكەن كەزدە 1,5-2 مەتر قاشىقتىقتى ساقتاۋ قاجەت.

باستىسى ادامدار كوپ توپتاسىپ جينالاتىن جەرلەرگە بارماۋ كەرەك»، - دەدى ول. ارتۋر قاجىبايەۆ سونىمەن بىرگە، قولعاپ پەن بەتپەردەنى اسىرەسە قوعامدىق كولىكتە كيۋدىڭ ماڭىزدىلىعىن ءتۇسىندىردى.

«قولعاپ كيۋ وتە ماڭىزدى، ويتكەنى ەگەر قولعاپسىز قولىمىزدا ينفەكسيا بولسا، ءبىز ونى بايقامايمىز جانە اۆتوماتتى تۇردە بەتىمىزدى قولمەن ۇستايمىز. ءسويتىپ ءبىز تەز جۇقتىرۋىمىز مۇمكىن. قازىرگى ۋاقىتتا بەتپەردەلەر ەڭ ماڭىزدى ساقتىق شارالارىنىڭ ءبىرى بولىپ تابىلادى، ادامدار ءبىر-بىرىمەن سويلەسكەن كەزدە ينفەكسيا اۋا ارقىلى تارالادى، سوندىقتان قالا تۇرعىندارىنا بەتپەردە مەن قولعاپ كيگەن دۇرىس دەپ ويلايمىن»، - دەدى باس دارىگەر.

ەستەرىڭىزگە سالا كەتەيىك، الماتىدا جۇقتىرۋ ورىندارى تۋرالى اقپاراتقا سايكەس، كوبىنەسە ادامداردىڭ %39,6 ى قوعامدىق ورىندارعا بارىپ جۇقتىرعان، %27,5 ى - وتباسىندا ك ۆ ي- مەن اۋىراتىن ناۋقاسپەن قارىم- قاتىناس جاساعان، %20,3 ى قوعامدىق كولىكتە جۇقتىرعان.

«جۇقتىرۋ سەبەپتەرىنە كەلەتىن بولساق، ەڭ باستىسى ناۋقاستار ناۋقاس ادامدارمەن قارىم - قاتىناستا بولدى. ەكىنشىدەن، ادامدار كوپ جينالاتىن جەرلەردە بولعاندار جانە قوناق شاقىرىپ، قوناققا، مىسالى تويعا بارعاندار. ودان كەيىن ازىق- تۇلىك دۇكەندەرىنەن - %36، قوعامدىق كولىكتەردەن - %13، بازارلاردان جۇقتىرعاندار سانى -%12. بۇل ءبىزدىڭ ەمحانادا باقىلاۋعا الىنعان 23 ادامنىڭ جۇقتىرۋ وقيعالارى بويىنشا ستاتيستيكا. كوبىنەسە جۇقتىرۋ جاعدايلارى الدىن الۋ شارالارىن ەسكەرمەۋمەن بايلانىستى»، - دەدى ول.

سپيكەر سونداي-اق موبيلدى بريگادانى قانداي جاعدايلاردا دەرەۋ شاقىرۋ كەرەك دەگەن سۇراققا جاۋاپ بەردى. «ەگەر ج ر ۆ ي بەلگىلەرى - جوتەل، دەنە قىزۋى پايدا بولسا، وندا ەمدەلۋشىگە ەمحاناعا جۇگىنۋ - تىركەۋ بولىمىنە قوڭىراۋ شالۋ قاجەت. تىركەۋ ورنىندا موبيلدى بريگاداعا اۋىستىرادى، موبيلدى بريگادا كەلىپ، قىزمەت كورسەتەدى. ەڭ الدىمەن ولار (موبيلدى بريگادا) دا قوڭىراۋ شالىپ، جاعدايىنا باعا بەرىپ، سودان كەيىن كەلىپ كومەك كورسەتەدى. ءموبيلدى بريگادا كەلىپ، قاراپ، اۋرۋحاناعا جاتقىزۋ قاجەت دەگەن بەلگىلەردى كورسە، ناۋقاس اۋرۋحاناعا جاتقىزىلادى. بۇل كەزدە ناۋقاس 14 كۇن بويى باقىلاۋدا بولادى»، - دەپ ءتۇسىندىردى ارتۋر قاجىبايەۆ.