12:15, 27 - قاڭتار 2021 | GMT +6
ش ق و- دا ەكىنشى اۋىسىم وقۋشىلارى مەكتەپكە بارمايدى
وسكەمەن. قازاقپارات - شىعىس قازاقستان وبلىسىنىڭ ءبىرقاتار اۋدانىندا ەكىنشى اۋىسىمداعى وقۋشىلارعا مەكتەپتە ساباق بولمايدى، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 27-قاڭتاردا وسكەمەن قالاسىندا اۋا تەمپەراتۋراسى - مينۋس 9 گرادۋس، جەل جىلدامدىعى سەكۋندىنا 12 مەتر بولعاندىقتان ەكىنشى اۋىسىمداعى 1-4-سىنىپ وقۋشىلارىنا ساباق وتكىزىلمەيدى.
«سونداي- اق ۇلان اۋدانىنداعى قاسىم قايسەنوۆ كەنتى مەن ۋكراينكا اۋىلىنداعى 1-11-سىنىپ وقۋشىلارى مەكتەپكە بارمايدى. وندا دا اۋا تەمپەراتۋراسى - مينۋس 9 گرادۋس، جەل جىلدامدىعى سەكۋندىنا 12 مەترگە جەتكەن» دەپ حابارلادى ۆەدومستۆو وكىلدەرى.
ەستەرىڭىزگە سالا كەتسەك، بۇگىن وسكەمەندە ءبىرىنشى اۋىسىمنىڭ 0-11-سىنىپتارىنا ساباق وتكىزىلمەگەن ەدى.