شەتەلدىك ايەل اتىراۋ تۇرعىنىنان اقشا تالاپ ەتىپ، ۆيدەوڭدى ينتەرنەتكە سالامىن دەپ قورقىتقان

وبلىستىق پوليتسيا دەپارتامەنتى باسپا ءسوز قىزمەتىنىڭ اقپاراتىنا قاراعاندا، اتىراۋ قالاسىندا تۇراتىن 51 جاستاعى ايەل بوپسالاۋ تۋرالى ارىزدانعان. شاعىمدانۋشىنىڭ ارىزىندا وزگە ازاماتشانىڭ قورقىتىپ 50000 تەڭگە تالاپ ەتكەنى ايتىلعان.

وزبەكستان رەسپۋبليكاسىنىڭ 32 جاستاعى ازاماتشاسى عالامتور جەلىسىنە جابىرلەنۋشىنىڭ ينتيمدىك سيپاتتاعى بەينەجازبالارىن جۇكتەيمىن دەپ بوپسالاعان.

«كۇدىكتى ازاماتشا 19- قاڭتاردا اتىراۋ قالاسى س. داتوۆ كوشەسىندەگى بانك فيليالى ىشىندە ورنالاسقان تەرمينالدان تالاپ ەتكەن اقشاسىن ەسەپشوتىنا سالدىرتقان. پوليتسيا كۇدىكتىنى سول جەردە ۇستادى» دەپ حابارلادى دەپارتامەنتتىڭ باسپا ءسوز قىزمەتىنەن.

قازىر اتالعان دەرەككە ق ر قىلمىستىق كودەكسىنىڭ 194-بابى 1-بولىگىمەن سوتقا دەيىنگى تەرگەۋ جۇرگىزىلىپ جاتىر.

ەسكە سالا كەتەلىك، بۇدان بۇرىن اتىراۋدا تانىسىنىڭ 2 ميلليون تەڭگەسىن الداپ العان الاياق سوتتالعان بولاتىن.