08:02, 25 - قاڭتار 2021 | GMT +6
سيدنەيدە اپتاپ ىستىقتان ءورت شىعۋ قاۋپى ارتتى
نۇر-سۇلتان. قازاقپارات - سيدنەيدە كۇن ىسىدى. تەمپەراتۋرا كورسەتكىشى پليۋس 30 گرادۋسقا جەتكەن، دەپ حابارلايدى «حابار 24».
اپتاپتان سايا ىزدەگەن ادامدار وزەن- سۋدان شىعار ەمەس. كەشە 2 ادام سۋعا كەتىپ، كوز جۇمعان. وسىدان كەيىن جاعاجايدا كۇزەت كۇشەيدى. ەلدىڭ وڭتۇستىگىندە سىناپ باعاناسى پليۋس 40 تان اسۋى مۇمكىن. ىستىقپەن بىرگە جەلدىڭ ەكپىنى دە كۇشەيدى. سوندىقتان قۇزىرلى ورگاندار سەرفينگشىلەرگە بارىنشا ساق بولۋدى ەسكەرتىپ جاتىر. اپتاپقا بايلانىستى ءورت شىعۋ قاۋپى دە ارتتى.
گابريەل ۆۋدحاۋس، مەتەورولوگيا بيۋروسىنىڭ اعا قىزمەتكەرى:
- الداعى بىرنەشە كۇندە اۋا رايى قاتتى ىستىق بولادى. اسىرەسە اپتاپ ەلدىڭ وڭتۇستىك- شىعىسىندا كۇشەيەدى. ىستىقتىڭ بەتى كەلەسى اپتانىڭ سەيسەنبىسىنە قاراي عانا قايتا باستاۋى مۇمكىن. ودان ءارى اپتاپ سولتۇستىككە اۋىسادى دەپ كۇتىلۋدە.