قىتاي ەلىندەگى قوبىز جاساۋدىڭ حاس شەبەرى - سايراش جارمۇحامەت ۇلى - شەتەلدەگى قازاق ءتىلدى ب ا ق- قا شولۋ

None
None
نۇر- سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

مەملەكەتتىك ماتەريالدىق ەمەس مادەني مۇرانىڭ مۇراگەرى سايراش جارمۇحامەت ۇلى - «اعاجاي- التاي» سايتى

قازاق ۇلتىنىڭ سازدى، مۇڭدى كونە مۋزىكا اسپابى قوبىزدىڭ بوزىنگەن بولىپ بوزداپ، قارا جەر بولىپ كۇڭىرەنەتىن، تابيعاتتىڭ ءوز ءۇنىن، دالا داۋسىن اينىتپاي سالاتىن ەرەكشەلىگى، ونى حالىقتىڭ قادىر تۇتاتىن مۇراسىنا اينالدىرعان، دەپ جازادى kazakh.altxw.com سايتى.

«ءور- التايداعى شىڭگىل اۋدانىندا اتادان بالاعا مۇرا بولىپ جالعاسىپ كەلە جاتقان كونە قوبىز اسپابى كەڭ تارالعان. قوبىز - قايىڭ، ارشا سياقتى اعاشتاردىڭ تۇتاس بولىگىنەن شاۋىپ جاسالادى. باس، كەۋدە، اياق دەگەن ءۇش بولىكتەن تۇرادى. تومەنگى بولىك تەرىمەن قاپتالادى. ەكى ىشەگى جىلقى قىلىنان تارتىلادى. بۇل قوبىزداردىڭ ءپىشىنى الەمدەگى ءتۇرلى مۋزىكالىق اسپاپتاردىڭ ەشبىرىنە ۇقسامايدى. تۇلعاسى اسپاندا قاناتىن جايا سامعاعان اققۋعا ۇقسايدى. قوبىز قازاق ۇلتىنىڭ ءداستۇرلى مۋزىكا اسپاپتارىنىڭ ىشىندەگى دومبىرا سەكىلدى، حالىق جۇرەگىندە ءوز ورنى بار، ماڭىزدى اسپاپتارىنىڭ ءبىرى. سوندىقتان قىتايدا قوبىزدى مەملەكەتتىك ماتەريالدىق ەمەس مادەني مۇرا قاتارىنا قوسىپ، ونى دامىتۋعا، مادەني قۇندىلىعىن ناسيحاتتاۋعا كوڭىل بولىنگەن»، - دەپ جازادى «اعاجاي- التاي» سايتى.

اتالعان ب ا ق- تىڭ جازۋىنشا، التاي كۇيشىلىك مەكتەبىنىڭ نەگىزگى ورىنداۋشىلارىنىڭ ءبىرى، بەلگىلى كۇيشى سايراش جارمۇحامەت ۇلى، ماتەريالدىق ەمەس مادەني مۇرا بولىپ تاڭدالعان قوبىزدىڭ ناسيحاتتاۋشى، جالعاستىرۋشى مۇراگەرى بولىپ ۇكىمەت تاراپىنان ارنايى تاڭدالعان. قىتايدىڭ التاي ايماعى، شىڭگىل اۋدانىندا تۇراتىن قانداسىمىز سايراش جارمۇحامەت ۇلى بالا كۇنىنەن كۇي ونەرىنە ىقىلاسى اۋىپ، دومبىرا شەرتۋگە اۋەستەنگەن. قازىرگى كۇنگە دەيىن ۇلتتىق ونەرگە ادال بولىپ، حالىققا، ۇرپاققا كۇيىن شەرتىپ ناسيحاتتاپ جۇرگەن ونەر يەسىنىڭ كۇي قورجىنىندا كونە كۇيلەر مەن قاتار، جاڭعىرتىپ دومبىراعا سالىپ شەرتىپ جۇرگەن ەسكى سىبىزعى كۇيلەرى دە مول. ول سونىمەن بىرگە 15 جاسىندا ءوز قولىمەن تۇڭعىش دومبىراسىن جاساپ، قازاقتىڭ باسقادا ءتۇرلى مۋزىكا اسپاپتارىن جاساۋمەن اينالىسا باستاعان.

«سايراش جارمۇحامەت ۇلى قازىرگى كۇنى قازاق ۇلتىنىڭ 28 ءتۇرلى ءداستۇرلى مۋزىكا اسپابىن جاساي الادى. ول قوبىز جاساۋدىڭ دا حاس شەبەرى، ءبىر قوبىزدى 5 كۇندە جاساپ بىتىرەدى. قوبىز جاساۋ ءۇشىن اسقان شەبەرلىك قاجەت. شىڭگىل جەرىنىڭ ساپالى اعاشتارىنان ويىپ، بوتانىڭ تەرىسىنەن جاسالعان قوبىزدىڭ داۋىسى تولىمدى، سىرتقى تۇلعاسى مايدا، جىلتىر، ۇزاق ۋاقىت ساقتاۋعا بولادى. مىنە وسىلاي جاسالعان شاناقتان شىعانداپ شىعاتىن قوبىز ءۇنى شىڭگىل اۋدانىنىڭ تاۋلى- قىرقالى، نۋلى- سۋلى دالاسىنا، ءمولدىر، ارقىراپ اعاتىن تاۋ وزەندەرىنە ءۇن قوسىپ، اسەم تابيعاتىنا ءسان بەرىپ تۇرعانداي اسەرگە بولەيدى!»، - دەپ جازادى «اعاجاي- التاي» سايتى.

تۇركياداعى مەكتەپكە ءال- فارابي ەسىمى بەرىلدى - TRT

تۇركيانىڭ ەرزۋرۋم قالاسىندا ءبىر بۋلۆارعا جانە باستاۋىش مەكتەپكە ءال- فارابي ەسىمى بەرىلدى، دەپ جازادى تۇركيا راديو تەلەۆيزيا پورتالى.

«تۇركى الەمىنىڭ دارا تۇلعاسى، ۇلى ويشىل بابامىز ءابۋ ناسىر ءال- ءفارابيدىڭ 1150 جىلدىق مەرەيتويىنا وراي، بەلگىلى عۇلامانىڭ ەسىمى مەن مۇراسىن دارىپتەۋ ماقساتىندا قازاقستاننىڭ تۇركياداعى ەلشىلىگى، ەكوەۋرازيا قاۋىمداستىعى جانە تۇركيا ءتىل جانە ادەبيەت قاۋىمداستىعى ەرزۋرۋم قالاسىنداعى وكىلدىگى باستاماسىمەن تۇركيانىڭ ەرزۋرۋم قالاسىنداعى بۋلۆارعا جانە باستاۋىش مەكتەپكە ءال- فارابي بابامىزدىڭ ەسىمى بەرىلدى»، - دەپ حابارلايدى TRT.

قازاقستاندىق دەلەگاتسيا يشاناباد اۋىلىندا قوناقتا بولدى - «ءوزا» اقپاراتتىق اگەنتتىگى

قازاقستان رەسپۋبليكاسى تۇركىستان وبلىسىنىڭ اكىمى ءو. شوكەيەۆ باستاعان دەلەگاتسيا تاشكەنت وبلىسى، شىناز اۋدانى، يشاناباد اۋىلىندا قوناقتا بولدى، دەپ جازادى وزبەكستاننىڭ «ءوزا» مەملەكەتتىك اقپارات اگەنتتىگى.

«قازاقستاندىق دەلەگاتسيا يشاناباد اۋىلىنداعى تۇرعىندار ءۇشىن جاسالعان قولايلى جاعدايلارمەن تانىسىپ، ونداعى جاڭادان بوي كوتەرگەن نىسانداردى كوردى. قازاقستان شەكاراسىنان 20 شاقىرىم جەردە ورىن تەپكەن قۇتتى مەكەندە وزبەك، قازاق، تاجىك، ورىس جانە تاتار ۇلتىنا جاتاتىن 3,2 مىڭ حالىق ءومىر سۇرۋدە»، - دەپ جازادى «ءوزا» اقپاراتتىق اگەنتتىگى.

قازاقستاننىڭ سىرتقى ىستەر ءمينيسترى ب ۇ ۇ باس حاتشىسىنىڭ ورىنباسارىمەن سويلەستى - «فارس» اقپارات اگەنتتىگى

قازاقستاننىڭ سىرتقى ىستەر ءمينيسترى مەن ب ۇ ۇ- نىڭ تەڭىزگە شىعا المايتىن دامۋشى ەلدەر جونىندەگى ارنايى وكىلى تەلەفون ارقىلى سويلەستى، دەپ جازادى «فارس» اقپارات اگەنتتىگى.

«مۇحتار تىلەۋبەردى مەن فەكيتاموەلوا كاتوا ۋتويكامانۋ اراسىنداعى پىكىر الماسۋلار كەزىندە، نۇر- سۇلتاننىڭ 2020-2021 -جىلدارداعى تەڭىزگە شىعا المايتىن دامۋشى ەلدەر توبىنىڭ ءتوراعالىعى شەڭبەرىندە ءوزارا ءىس- قيمىلدى ودان ءارى نىعايتۋ ماسەلەلەرىن تالقىلادى. بۇدان بۇرىن 2020 -جىلدىڭ قىركۇيەك ايىندا قازاقستان تەڭىزگە شىعا المايتىن دامۋشى ەلدەردىڭ 32 مۇشەسىن بىرىكتىرۋ ءۇشىن ب ۇ ۇ- مەن ءتورت جىلدىق ىنتىماقتاستىق تۋرالى قۇجاتقا قول قويدى. ەكى تاراپ اتالمىش توپتاعى ناقتى دامۋ جوبالارىن العا ىلگەرلەتۋ ءۇشىن حالىقارالىق سەرىكتەستەر مەن كومپانيالاردىڭ ينۆەستيتسيا قۇيۋىنىڭ ماڭىزدىلىعىن قۋاتتادى»، - دەپ جازادى Рarstoday .

اۆتور: باقىتجول كاكەش


سوڭعى جاڭالىقتار