11:52, 24 - قاڭتار 2021 | GMT +6
تۇركيادا قىتايلىق ۆاكسينانى ءبىر ميلليوننان استام ادام سالدىردى
نۇر- سۇلتان. قازاقپارات - تۇركياعا بۇگىن «كورونا- ۆاك» ەكپەسىنىڭ 10 ميلليوننان استام دوزاسى جەتكىزىلەدى، دەپ حابارلايدى «حابار 24».
بۇل تۋرالى وسى ەلدىڭ پرەزيدەنتى رەجەپ تايىپ ەردوعان مالىمدەدى. قىتايلىق ۆاكسينانىڭ 3 ميلليون دوزاسى بار ءبىرىنشى پارتيا وتكەن جىلدىڭ اياعىندا كەلگەن بولاتىن.
جالپى تۇركيادا ۆاكسينالاۋ ناۋقانى 14- قاڭتاردا باستالدى. سودان بەرى 1 ميلليوننان استام ادام ەكپە سالدىرعان. پرەپاراتتى ءبىرىنشى كەزەكتە مەديتسينا قىزمەتكەرلەرى مەن قارتتار قابىلداۋدا. ەستەرىڭىزگە سالا كەتەيىك، تۇركيادا ىندەت باستالعالى بەرى 24 مىڭعا جۋىق تۇرعىن قايتىس بولىپ، 2 جارىم ميلليوندايى كوروناۆيرۋس جۇقتىرعان.