گونكونگتە ىندەت تاراعالى العاش رەت لوكداۋن ەنگىزىلدى
دەپ حابارلايدى قازاقپارات BBC - گە سىلتەمە جاساپ.
دجوردان اۋدانىندا كوپقاباتتى ۇيلەردە تۇراتىن شامامەن 10 مىڭعا جۋىق ادامعا ۇيدەن شىقپاۋعا نۇسقاۋ بەرىلدى. اۋداننىڭ بارلىق تۇرعىنى تەستىلەۋدەن وتپەيىنشە ولار ۇيدەن شىقپاۋى كەرەك. بيلىك وعان 48 ساعات كەتەتىنىن ايتتى. وسى ۋاقىت ارالىعىندا 150 كوپقاباتتى ءۇيدىڭ تۇرعىندارى تەكسەرىلەدى.
گونكونگ قىتايدىڭ ورتالىق اۋداندارىنان جاڭا كوروناۆيرۋس «اكەلىنگەن» العاشقى ورىنداردىڭ بىرىنە اينالدى. ءبىراق بيلىك قاتاڭ لوكداۋن ەنگىزبەي- اق شەكتەۋ شارالارى مەن ايىپپۇل جۇيەلەرىنىڭ كومەگىمەن جاعدايدى باقىلاۋدا ۇستادى. مۇندا اۋرۋعا شالدىققانداردىڭ جالپى سانى 10 مىڭنان اسپايدى. كوروناۆيرۋستان بار- جوعى 170 ادام كوز جۇمعان. الايدا سوڭعى ەكى ايدا قالادا دجوردان اۋدانىنا تاراعان ەپيدەميانىڭ ءتورتىنشى تولقىنى باستالدى. مۇندا قاڭتاردىڭ العاشقى 20 كۇنىندە كوروناۆيرۋس جۇقتىرۋدىڭ 162 جاعدايى انىقتالعان.
اۆتور: اياۋلىم التىنبەك