+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

جۇرگىزۋشى كۋالىگىنسىز جۇرگەندەرگە ەندى ايىپپۇل سالىنبايدى

21 قاڭتار 22:30
:ءبولىسۋ
جۇرگىزۋشى كۋالىگىنسىز جۇرگەندەرگە ەندى ايىپپۇل سالىنبايدى

نۇر-سۇلتان. قازاقپارات - ەندى كولىككە قاتىستى قۇجاتتاردى وزىڭىزبەن الىپ جۇرمەسەڭىز دە بولادى، دەپ حابارلايدى «حابار 24».

«جول قوزعالىسى تۋرالى» زاڭعا وسىنداي وزگەرىس ەنگىزىلدى. جۇرگىزۋشىگە كۋالىك پەن تەحنيكالىق پاسپورتتى كورسەتۋ مىندەتتى ەمەس. پوليتسەيلەر اتالعان قۇجاتتى تەك ورتاق بازادان تەكسەرەدى. بۇدان بىلاي كولىك جۇرگىزۋ ءۇشىن تەك جەكە كۋالىكتى كورسەتسە دە جەتكىلىكتى بولادى. اتالعان زاڭ سەنات وتىرىسىندا قابىلداندى. كۇن تارتىبىندە 4 زاڭ قارالدى، سونىڭ ۇشەۋى حالىقارالىق كەلىسىم، ال بىرەۋى كولىك جۇرگىزۋگە قاتىستى نورما. سوڭعىسىن پارلامەنت دەپۋتاتتارى دايىنداعان. ۇلتتىق قوعامدىق سەنىم كەڭەسىندە پرەزيدەنت كوتەرگەن ماسەلە بويىنشا جۇرگىزۋشى كۋالىگىنسىز جۇرگەندەرگە ايىپپۇل دا سالىنبايدى.

نۇرلان بەكنازاروۆ، ق ر پارلامەنتى سەناتىنىڭ دەپۋتاتى:

- جۇرگىزۋشى وزىمەن بىرگە جەكە كۋالىگىمەن جۇرسە، پاترۋلدىك پوليتسيا توقتاتقان جاعدايدا سول جەتكىلىكتى بولادى. سيفرلاندىرۋ اياسىندا بۇكىل دەرەكتەر ءى ءى و بازاسىنا ەنگىزىلگەن. بۇل نورما مەملەكەتتىك تىركەۋ ءنومىرى شەتەلدىك نەمەسە جۇرگىزۋشى كۋالىگىن باسقا مەملەكەتتەن العاندارعا قولدانىلمايدى. ولاردا قۇجاتتىڭ بولۋى مىندەتتى. بۇعان دەيىن تەحنيكالىق پاسپورتسىز جۇرگەندەردە دە اكىمشىلىك جاۋاپكەرشىلىك جۇكتەلەتىن. ەندى بۇل ەرەجە دە الىنىپ تاستالدى.

ماۋلەن اشىمبايەۆ، ق ر پارلامەنتى سەناتىنىڭ ءتوراعاسى:

- قابىلدانعان زاڭ مەملەكەت باسشىسىنىڭ ۇلتتىق قوعامدىق سەنىم كەڭەسىنىڭ جۇمىسىندا جاساعان ۇسىنىستارى اياسىندا ازىرلەندى. سوعان سايكەس، ەندى كولىك جۇرگىزگەندە جۇرگىزۋشى كۋالىگىن جانە كولىكتىڭ تەحنيكالىق پاسپورتىن بىرگە الىپ ءجۇرۋ مىندەتى الىنىپ تاستالادى.

بۇل سيفرلاندىرۋ جۇمىستارىنىڭ ناقتى ناتيجەسى ەكەنى ءسوزسىز. بىلتىر ەلدە 14 مىڭ جۇرگىزۋشىسى كولىك باسقارۋ كۋالىگىن ۇيىندە قالدىرىپ كەتكەنى ءۇشىن ايىپپۇل تولەگەن. ەندى ۇمىتشاقتار ارقاسىن كەڭگە سالا الادى. دەسە دە، تەمىر تۇلپار يەلەرىنە جۇكتەلەتىن جاۋاپكەرشىلىك مۇنىمەن جەڭىلدەمەيدى. ەڭ باستىسى جولدا ءجۇرۋ مادەنيەتىن ساقتاپ، ەرەجەنى قاتاڭ ورىنداۋ كەرەك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات