+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

قىتاي عالىمدارى: كوروناۆيرۋس ەكىنشى رەت اۋىر ءوتۋى مۇمكىن

21 قاڭتار 21:38
:ءبولىسۋ
قىتاي عالىمدارى: كوروناۆيرۋس ەكىنشى رەت اۋىر ءوتۋى مۇمكىن

نۇر-سۇلتان. قازاقپارات - ادام اعزاسىندا انتيدەنەلەر بولسا دا، بۇل كوروناۆيرۋستى قايتا جۇقتىرۋدان ساقتاپ قالمايدى، دەپ حابارلايدى «حابار 24».

قىتاي عالىمدارى وسىلاي دەپ وتىر. ماماندار ىندەتپەن اۋىرىپ شىققاننان كەيىن نەمەسە ەكپە سالدىرعان سوڭ ساقتىق شارالارىن قاتاڭ ۇستانۋ كەرەك ەكەنىن ايتادى.

عالىمدار: يممۋنيتەت 5 اي ساقتالادى كوروناۆيرۋسپەن اۋىرعان ادامداردىڭ كوبىندە كەمى 5 ايعا دەيىن يممۋنيتەت ساقتالادى.

ۇلى بريتانيانىڭ قوعامدىق دەنساۋلىق ساقتاۋ ينستيتۋتىنىڭ ماماندارى زەرتتەۋ جۇرگىزىپ، وسىنداي قورىتىندىعا كەلگەن. زەرتتەۋ جۇمىسى بىلتىر ماۋسىم مەن قاراشا ارالىعىندا جۇرگىزىلگەن ەكەن. وعان 20 مىڭعا جۋىق ادام قاتىسقان. عالىمدار ولاردى كوروناۆيرۋسقا تەكسەرىپ وتىرعان. 5 اي ىشىندە 6 جارىم مىڭنان اسا ادام ىندەت جۇقتىرىپتى. سولاردىڭ 44 ءى قايتادان اۋىرعان.

سيۋزان حوپكينس، عالىم:

- كوروناۆيرۋسپەن اۋىرعانداردا انتيدەنەلەر پايدا بولىپ، 5 اي ىشىندە قايتا جۇقتىرۋ قاۋپى تومەندەيدى. ونداي جاعداي بولعان كۇننىڭ وزىندە دە ىندەتتىڭ اۋىر ءوتۋى ەكىتالاي. ياعني ۆيرۋستى العاش جۇقتىرۋ دەرەگى ۆاكتسينالاۋعا ۇقساس. ول ادامنىڭ يممۋنيتەتىن كۇشەيتەدى.

قىتاي عالىمدارى: ىندەت ەكىنشى رەت اۋىر ءوتۋى مۇمكىن

ال قىتاي عالىمدارى جۇرگىزگەن زەرتتەۋ ناتيجەسى وزگەشە. ولار ادام اعزاسىندا انتيدەنەلەر بولسا دا، بۇل كوروناۆيرۋستى قايتا جۇقتىرۋى مۇمكىن دەيدى. زەرتتەۋگە 300 گە تارتا ادام قاتىسقان. سولاردىڭ اراسىندا ىندەتتى قايتا جۇقتىرۋدىڭ بىرنەشە دەرەگى تىركەلگەن. ناۋقاستار العاشىندا جازىلعان سوڭ 19 كۇننەن 57 كۇنگە دەيىنگى ارالىقتا قايتادان اۋرۋعا دۋشار بولىپتى. كەيبىرىندە سىرقات وتە اۋىر وتكەن.

بريتاندىق عالىمدار كەرىسىنشە، ەكىنشى رەت جۇقتىرعاندا جەڭىل بولاتىنىن ايتادى. ەكى زەرتتەۋ اراسىندا نەگە مۇنداي ايىرماشىلىق پايدا بولدى دەگەن سۇراق تۋادى. مامانداردىڭ تۇسىندىرۋىنشە، قىتاي عالىمدارىنىڭ زەرتتەۋىنە قاتىسقان ادامدار گەنەتيكالىق قۇرىلىمى وزگەرگەن ۆيرۋستىڭ باسقا ءتۇرىن جۇقتىرعان. افريكالىق شتامدى قايتا جۇقتىرۋ قاۋپى جوعارى ۆيرۋستىڭ جاڭا ءتۇرى دەمەكشى، الەمدە ونىڭ 12 مىڭنان اسا مۋتاتسياسى تىركەلگەن. سولاردىڭ ىشىندە وڭتۇستىكافريكالىق شتامدى قايتا جۇقتىرۋ ء! قاۋپى الدەقايدا جوعارى بولۋى مۇمكىن. جەرگىلىكتى عالىمداردىڭ جۇرگىزگەن زەرتتەۋىنىڭ ناتيجەسى وسىنداي. ولار ءتىپتى ۆيرۋستىڭ بۇل جاڭا مۋتاتسياسى ۆاكتسينانىڭ تيىمدىلىگىن تومەندەتە مە دەپ قاۋىپتەنىپ وتىر. ماماندار قازىرگى ەكپەلەردى جەتىلدىرۋ قاجەتتىگى تۋىنداۋى مۇمكىن ەكەنىن ەسكەرتەدى.

ساليم ابدۋل كاريم، ەپيدەميولوگ:

- قولدا بار مالىمەتكە سۇيەنە وتىرىپ، كوروناۆيرۋستىڭ وڭتۇستىك افريكالىق شتامى ايتارلىقتاي قاۋىپتى ەمەس دەۋگە بولادى. الايدا اۋرۋدان ايىعىپ شىققانداردىڭ ساراپتامالارى، ولاردىڭ اعزالارىنداعى انتيدەنەلەردىڭ تيىمدىلىگى تومەن ەكەنىن كورسەتىپ وتىر. ۆيرۋستى قايتا جۇقتىرعان ناۋقاس كوز جۇمدى.

ال سوڭعى مالىمەت بويىنشا، گەرمانيادا كوروناۆيرۋستى قايتا جۇقتىرعان ناۋقاس ىندەتتەن كوز جۇمعان. 73 جاستاعى تۇرعىن بىلتىر ساۋىردە اۋىرعان ەكەن. ءبىراق جەلتوقساندا قايتادان دەرتكە دۋشار بولىپتى. قاريا ۆيرۋستىڭ مۋتاتسياعا ۇشىراعان ءتۇرىن جۇقتىردى ما، جوق پا بەيمالىم. ءبىراق ول تۇرىپ جاتقان اۋداندا بريتاندىق شتامنىڭ انىقتالعانى بەلگىلى. بۇعان دەيىن ىندەتتى قايتا جۇقتىرۋ سالدارىنان كوز جۇمۋ دەرەكتەرى گەرمانيادان بولەك، نيدەرلاند، يزرايل مەن گونكونگتا دا تىركەلگەن. جالپى ماماندار COVID-19 از زەرتتەلگەن ۆيرۋس بولعاندىقتان، سۇراقتار وتە كوپ ەكەنىن ايتادى. ونىڭ ۇستىنە سوڭعى ۋاقىتتا جاڭا شتامدارى كوبەيىپ، زەرتتەۋلەردى ودان دا بەتەر قيىنداتىپ وتىر.

جۇلدىز اتاگەلديەۆا



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات