19:43, 21 - قاڭتار 2021 | GMT +6
ىستانبۇلداعى الاڭعا ابايدىڭ ەسىمى بەرىلدى
ىستانبۇل. قازاقپارات - تۇركيانىڭ ىستانبۇل قالاسىنداعى الاڭعا ابايدىڭ ەسىمى بەرىلدى، دەپ حابارلايدى قازاقپارات قازاقستاننىڭ تۇركياداعى ەلشىلىگىنە سىلتەمە جاساپ.
«ۇلى قازاق اقىنى ابايدىڭ 175 جىلدىق مەرەيتويىنا وراي ىستانبۇل ءماسليحاتىنىڭ شەشىمىمەن قالاداعى قازاق دياسپوراسى شوعىرلانعان زەيتينبۋرنۋ اۋدانىنداعى الاڭداردىڭ بىرىنە ۇلى ويشىلىمىز اباي قۇنانباي ۇلىنىڭ ەسىمى بەرىلدى»، دەلىنگەن ەلشىلىكتىڭ Facebook-تەگى پاراقشاسىندا. ەسكە سالا كەتسەك، تۇركيانىڭ ەرزۋرۋم قالاسىنداعى بۋلۆارعا جانە باستاۋىش مەكتەپكە ءال- فارابي ەسىمى بەرىلگەن ەدى.