17:49, 21 - قاڭتار 2021 | GMT +6
پرەزيدەنت: باستى مىندەتىمىز - ايەلدەر مەن بالالار قۇقىعىن قورعاۋ
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ قوعامدا قىزۋ تالقىلانىپ جاتقان «وتباسىلىق- تۇرمىستىق زورلىق- زومبىلىققا قارسى ءىس- قيمىل تۋرالى» زاڭ جوباسىنا قاتىستى پىكىر ءبىلدىردى، دەپ حابارلايدى قازاقپارات.
«وتباسىلىق- تۇرمىستىق زورلىق- زومبىلىققا قارسى ءىس- قيمىل تۋرالى» زاڭ جوباسى قوعامدا قىزۋ تالقىعا تۇسۋدە. بۇل - ورىندى. وزەكتى ماسەلەلەر كەڭىنەن تالقىلانۋعا ءتيىس. ونىڭ نورمالارىن مۇقيات قاراپ، بارلىق پىكىرلەردى ەسكەرگەن ءجون. باستى مىندەتىمىز - ايەلدەر مەن بالالار قۇقىعىن قورعاۋ» دەپ جازدى مەملەكەت باسشىسى Twitter پاراقشاسىندا.