+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

اقتاۋدا ورىس تىلىندە ساباق بەرەتىن مۇعالىمدەر جەتىسپەيدى

21 قاڭتار 18:31
:ءبولىسۋ
اقتاۋدا ورىس تىلىندە ساباق بەرەتىن مۇعالىمدەر جەتىسپەيدى

اقتاۋ. قازاقپارات - اقتاۋدا ورىس تىلىندە ساباق بەرەتىن مۇعالىمدەر جەتىسپەيدى. وزەكتى ماسەلە قالاداعى 25 مەملەكەتتىك، 8 جەكەمەنشىك جانە 1 كەشكى مەكتەپتى تۇگەلدەي قامتيدى، دەپ حابارلايدى قازاقپارات ءتىلشىسى قالالىق ءبىلىم بولىمىنە سىلتەمە جاساپ.

مەكتەپتەردىڭ كوبىندە باستاۋىش سىنىپ، فيزيكا- ماتەماتيكا، ورىس ءتىلى مەن ادەبيەتى بويىنشا 2-3 ورىن بوس تۇر. قالالىق ءبىلىم ءبولىمى زەينەتكە شىققان ۇستازدارعا جانە قازىر جۇمىس جاساپ جۇرگەن مۇعالىمدەرگە قوسىمشا ساعات جۇكتەمە بەرۋ ارقىلى تىعىرىقتان شىعۋعا تىرىسىپ جاتىر. سونداي- اق وزگە ايماقتاردان ج و و بىتىرگەن جاس ماماندار شاقىرتۋمەن كەلىپ جاتىر.

«قالامىزعا، وڭىرىمىزگە جاقىن باتىس ايماقتاردان مۇعالىمدەردى شاقىرتۋ جۇمىستارى بىلتىرعى وقۋ جىلىنان بەرى جۇرگىزىلىپ كەلە جاتىر. بىلتىردىڭ وزىندە 25 مامان شاقىرتىلدى. بيىلعى وقۋ جىلىندا سول 25 مامان ءبىلىم بولىمىنە قاراستى دامىتۋ ورتالىعى بالانسىنداعى 31 ب شاعىناۋدان 25-عيماراتتاعى جاتاقحاناعا ورنالاستىرىلدى. بۇل جۇمىس ءىس- شارا جوسپارىنا سايكەس ءارى قاراي جالعاسادى»، - دەيدى اقتاۋ قالالىق ءبىلىم ءبولىمىنىڭ سەكتور مەڭگەرۋشىسى باعدات تۇرعانبايەۆا.

بولاشاق ۇستازداردى قولداۋ شارالارى بيىل دا جالعاسادى. وتكەن جىلى ماڭعىستاۋ وبلىسى اكىمىنىڭ گرانتىمەن 39 جاس تۇلەك جوعارى وقۋ ورنىنا تۇسسە، ونىڭ 16-سى پەداگوگيكا ماماندىعىن تاڭداعان.

اۆتور: قاراكوز مارات



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات